Aŋasa 2:21 - EBƆRƐ BE KAWƆL

²¹ Ŋkpal manɛ so basa nɛ baa wora asheŋ niŋiso nɛ basa nɛ b maŋ kɔ mpulɔ e naaŋ nya anyi be kasawule ere so a wɔtɔ.

Aŋasa 2:21 ပူးပေါင်းရင်းမြစ်များ

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Job be kawɔl 42:12

Ade kikɛ be kaman, nɛ Enyɛnpe Ebɔrɛ na naŋ nɛfa Job a chɔ kananɛ e daŋ nɛfa mo dra na. E daŋ naŋ sa mo mbolpɔ ŋgboŋ kuduana nɛ enyɔma ŋgboŋ ashe nɛ egbolu dɔso be benyɔ nyɔ be ntuŋ kagboŋ nɛ ekurma kagboŋ nna.

Nshɛ 37:11

Ama bebɔlpo bre beeŋ ji kasawule ere so be tɔnɔ; nseŋ nya kagbenewushi gboŋgboŋi.

Nshɛ 37:18

Enyɛnpe Ebɔrɛ na e naa keni bekama nɛ baa wora mo kasonu so. Kusɔ kama nɛ mo alɛ sa bumo beeŋ baa la bumo peya mbaanaayɔ.

Nshɛ 37:22

Basa nɛ Enyɛnpe Ebɔrɛ nɛfa na, e naŋ ji kasawule ere so be tɔnɔ. Ama bekama nɛ Ebɔrɛ sho kɔnɔ na bre beeŋ mur.

Nshɛ 37:29

Kasawule ere beeŋ baa la basa nɛ baa wora asheŋ nɛ a niŋi na peya, nɛ b chena kumo so mbaanaayɔ.

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Nshɛ 37:9

Alubiworapoana kikɛ beeŋ mur. Ama bekama nɛ b yirda Enyɛnpe Ebɔrɛ na bre beeŋ ji kasawule ere so be tɔnɔ.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Aŋasa 10:30

Basa nɛ baa wora asheŋ nɛ a niŋi bee nya kekuŋ saŋkikɛ nna, ama belubiworapo bre maaŋ ji efute n chɛr kasawule so.

Aŋasa 28:10

Esa kama nɛ e bee ŋin basa nɛ baa wora asheŋ nɛ a niŋi a wɔtɔ alubi to, beeŋ tɔr kejigbelɛ nɛ mo gbagba sho to, ama esa nɛ e maŋ kɔ alubi beeŋ ji kapetɛ lela.