Aŋasa 2:20 - EBƆRƐ BE KAWƆL

²⁰ Amoso a daga fanɛ fo baa kute basa lela be aworbi to nna; nsaa wɔ kebaawɔtɔ niŋi so to.

Aŋasa 2:20 ပူးပေါင်းရင်းမြစ်များ

Nshɛ 119:115

Alubiworapoana, men shile ma so! Ma ere beeŋ wora ma Ebɔrɛ be mbraana kasonu.

Nshɛ 119:63

Ekama nɛ e bee shuŋ fo ŋko a wora fo mbraana kasonu na la n teri nna.

Aŋasa 13:20

Esa kama nɛ e bee tu benyiashempo a nite bee ki enyiashempo nna, ama esa nɛ mo nɛ bewulpo bee wora asheŋ bre bee luri tɔrɔ to nna.

Aŋasa 4:11

Ŋ ŋini fo kanyiasheŋ, nɛ kananɛ feeŋ baa kɔ kebaawɔtɔ niŋi so.

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Aŋasa 8:20

Ekpa niŋi so, nɛ kebaaji asheŋ nɛ amo be ekpa so be ekpa nɛ m bɔ.

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Hibruwebi 6:12

Anyi maa sha fanɛ men ki betɔlpo, ama anyee sha fanɛ men baa kute bumo nɛ b ta yirda nɛ kanyiti n nya kusɔ nɛ Ebɔrɛ nase kɔnɔ ŋ kaŋɛ fanɛ e beeŋ sa na to.

3 Jɔn 1:11

N teri shaso, sa maa kute asheŋ lubi to, baa kute asheŋ lela to. Esa kama nɛ e bee wora alela la Ebɔrɛ peya nna, ama ekama nɛ e bee wora alubi maŋ naŋ wu Ebɔrɛ.