Aŋasa 2:14 - EBƆRƐ BE KAWƆL

¹⁴ Bumo, nɛ alubi be kewora bee wora ebel nɛ bumo be ŋgbene bee fuli alubi so na.

Aŋasa 2:14 ပူးပေါင်းရင်းမြစ်များ

Aŋasa 10:23

Ewulpo nɛ alubi be kewora bee wora ebel. Kanyiasheŋ e naa par benyipo bre.

Aŋasa 21:10

Asheŋ lubi bee wora belubiworapo ebel nna, bumo alɛ maa wu bumo braana kuwɔr.

Aŋasa 4:16

Basa lubi bre baŋ maŋ wora kulubi, b maaŋ tiŋ n di. B maaŋ tiŋ n di nɛ b maŋ wora kulubi ŋ gbiti esa ko.

Jɛremaya 11:15

Kede be kaman, nɛ Enyɛnpe Ebɔrɛ na naŋ kaŋɛ ma fanɛ ŋ kaŋɛ Juda be basa le: “Men la ma basa laraso nna, ama menyi maŋ kɔ ekpa nɛ men baa wɔ ma bɔrɛlambu to a wora asheŋ lubi lubi ere. Esarga nɛ menyee lara a sa ma ere maaŋ tiŋ ŋ kuŋ menyi ashi kemurgboŋ na to, amoso men yige kusɔ nɛ menyee wora ere.

Hoziya 7:3

Enyɛnpe Ebɔrɛ yɛ: “Basa na bee bɔla bumo be ŋkre lubi so nna a fule ewura na nɛ mbe benimuana.

Habakuk 1:15

Babilɔnebi na bee pɛ edimɛdi nna fanɛ b ka ta edariwa ŋko ashewu m pɛ ekɔrɔtɔ n dii kedeŋi so nsaa cha awɔr kagbenefuliso na.

Zefanaiya 3:11

Jemanɛ na kaŋ fo, anishinyɔr maaŋ pɛ menyi nɛ men la ma basa ŋkpal men ka daŋ kini ma nseŋ lar ma kaman na so. Ŋkpal manɛ so, meeŋ ju bekama nɛ b kɔ kamoowu nɛ ŋkpensheŋ be kebaawɔtɔ ashi menyi to, saŋɛ na so menyi maaŋ naŋ kini ma nseŋ lar ma kaman ashi ma kebee cheembi na so.

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

1 Kɔrintebi 13:6

Kasha wɔ esa to, mbe kagbene maa fuli mo ŋkpal kulubi so, kashenteŋ e naa fuli mbe kagbene.