Aŋasa 2:1 - EBƆRƐ BE KAWƆL

¹ M pibinyɛn, baa koya asɔ nɛ mee ŋini fo nsaa nyiŋi asɔ nɛ ŋ kaŋɛ fanɛ fo baa wora na saŋkikɛ.

Aŋasa 2:1 ပူးပေါင်းရင်းမြစ်များ

Job be kawɔl 23:12

Kusɔ kama nɛ Ebɔrɛ yili, mee wora kumo nna. Mbe aparsheŋ nɛ mee bɛ so, mannɛ meya.

Nshɛ 90:12

Ŋini anyi kananɛ anyi be nchɛ sa, saŋɛ na so, anyeeŋ baa wora asheŋ kanyiasheŋ so.

Aŋasa 1:3

A beeŋ chɛ fo to nɛ fo nya kebaawɔtɔ to be kanyiasheŋ nsaa kɔ kashenteŋji a tiŋ a wora asɔ nɛ a daga. A beeŋ shin nɛ fo baa wɔ kebaawɔtɔ niŋiso to nsaa ji asheŋ nɛ amo be ekpa so.

Aŋasa 28:7

Enyiashempo e naa bɛ mbra so. Esa nɛ e bee ta basa nɛ b maa fɛ nfɛra pɔɛŋ nsaa wora asheŋ keteri, bee wɔtɔ mo tuto anishinyɔr to nna.

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Aŋasa 4:1

Ma mbinyɛnso, men baa nu asɔ nɛ, men tuto bee ŋini menyi na; men baa bugi asoe a nu amo, saŋɛ so menyeeŋ pin amo to nɛnɛ.

Aŋasa 4:10

M pibinyɛn, kaŋ kusoe kenishipereso n nu kusɔ nɛ mee kaŋɛ fo ere, nseŋ nya ŋkpa tenteŋ.

Aŋasa 6:21

Shin nɛ bumo be mmalga e baa wɔ fo nfɛra to saŋkama fanɛ a ka la kubɔtoshembi a di fo na.

Aŋasa 7:1

M pibinyɛn, baa nyiŋi asɔ nɛ ŋ kaŋɛ fo na. Sa maŋ teŋ kusɔ nɛ ŋ kaŋɛ fo na so kikɛ.

Aŋasa 8:1

Nu nfe, kanyiasheŋ e naa tre na. Lakal e naa kaŋɛ awɔrso fanɛ fo nu n sa mo na.

Aŋasa 9:1

Kanyiasheŋ pɔr kumo be ebu nna n yili eshabɔrɛ ashunu so.

Matiu 13:44

Nɛ Yesu naŋ kaŋɛ: “Ebɔrɛso be kuwura na du fanɛ kusɔ shaso ko ka ŋana a wɔ kasawule ko to nna. Ndoŋ nna nɛ kanyɛn ko ya wu kumo nɛ mbe kagbene fuli mo ga nɛ e lɔŋɛ kumo ŋ ŋana kasawule to nɛnɛ. Kumo be kaman nɛ e ya ta mbe asɔ kikɛ n fa nseŋ ya tɔ kasawule na.”

Luuk 2:19

Mɛɛri malɛ daŋ ta asheŋ ere kikɛ nna n wɔtɔ mbe kagbene to a fɛ amo be nfɛra.

Luuk 2:51

Amo be kaman nɛ mo nɛ bumo bɛta n yɔ Nazarɛt nɛ e ya kaa wɔtɔ a nu a sa bumo. Nɛ mo nio ta asheŋ ere kikɛ n wɔtɔ mbe kagbene to a wɔtɔ.

Luuk 9:44

Asheŋ nɛ Yesu daŋ wora na kikɛ daŋ kraa chinchiŋ basa na nna nɛ Yesu kaŋɛ mbe bebɛsopo: “Men sa maŋ kaŋ teŋ kusɔ nɛ mee shin nɛ ŋ kaŋɛ menyi ere so. Baaŋ ta ma, Nyiŋgbasa Pibinyɛn m bɔɔ basa enɔ.”

Ditɛronɔmi 30:13

Amo alɛ maŋ naa wɔ teku be kaba ndoŋ nna nɛ men naŋ bishi fanɛ: “Wanɛ e naaŋ yɔ teku be kaba ndoŋ n ya bar amo m ba sa anyi nɛ an nu amo nseŋ wora amo kasonu?”

1 Timoti 1:15

Le be kamalga ere la kashenteŋ nna, kumo alɛ maŋ kɔ emɔrɔ kikɛ fanɛ: Kristo Yesu ba durnya to nna nɛ e ba mɔlga basa ashi bumo be alubi to, ma alɛ be alubi e shi a chɔ ekama peya.