Aŋasa 19:1 - EBƆRƐ BE KAWƆL

¹ Fo ka bee ji kashenteŋ nsaa la etirpo bɔ fo ka la ewulpo nɛ efɛpo.

Aŋasa 19:1 ပူးပေါင်းရင်းမြစ်များ

Nshɛ 26:11

Ma ere maŋ du fanɛ bumo. Ŋkpal manɛ so, ma kebaawɔtɔ niŋi nna. Amoso wu ma kuwɔr nseŋ mɔlga ma.

Nshɛ 37:26

Ama baa nya a ji nɛnɛ nna, nsaa bugi kagbene a kɛ basa asɔ yɛlyɛla so; nɛ bumo be mbia malɛ bee nya nɛfa.

Aŋasa 12:26

Basa cheembi bee ŋini bumo teriana ekpa lela nna, ama belubiworapo bre be ekpa bee yɛr bumo kefoe to nna.

Aŋasa 14:2

Basa nɛ bumo be asheŋ wora so niŋi bee ŋana Ebɔrɛ nna, ama esa kama nɛ e maa wora asheŋ niŋiso maa sa Ebɔrɛ bunyaŋ.

Aŋasa 15:16

Kebaa la etirpo nsaa ŋana Ebɔrɛ bɔ kedamaya nɛ tɔrɔ.

Aŋasa 16:8

Kebɔla ekpa niŋiso so n nya asɔ gbrɛ bɔ kebirkɔshi so be kedamaya.

Aŋasa 19:22

Kusɔ nɛ dimɛdi bee fin e la kashenteŋji; K baa la etirpo bɔ k baa la efɛpo.

Aŋasa 20:7

Esa nɛ e niŋi kikɛ be kebaawɔtɔ niŋi nna. Mbia nɛ baa koya mbe asheŋ woraso bee nya nɛfa nna.

Aŋasa 28:6

Kebaa la etirpo nsaa ji kashenteŋ bɔ kebaa la damawura fɛpo.

Aŋasa 4:24

Sa maŋ malga kusɔ kama nɛ kashenteŋ maŋ wɔ kumo to. Fo nɛ efɛsheŋ nɛ mmalga nɛ a bee shin nɛ basa bee wora a foe ekpa e sa maa kɔ shɛŋ.

Aizaaya 59:3

Ŋkpal manɛ so, menyi be mmalga kikɛ la efɛsheŋ nna nɛ menyi be ŋkre kikɛ la kebagato nɛ kelantokɔ be asheŋ. Basa be kamɔ damta so, ŋklaŋ gbiti menyi be enɔana nna.

Matiu 16:26

Nɛ fanɛ durnya kikɛ ki esa peya nɛ e paŋ mbe ŋkpa, manɛ be tɔnɔ nɛ e nya ŋko manɛ nɛ esa beeŋ tiŋ n ta n chɛr mbe ŋkpa?

1 Samuɛl 25:17

Amoso jande, fɛ asheŋ ere be nfɛra nseŋ wora kusɔ ko a laŋɛ kumo be kaplɛa so, ŋkpal manɛ so, k beeŋ tiŋ m bar asheŋ m ba sa an nyɛnpe nɛ mbe kanaŋ kikɛ. Ŋkpal mo alɛ ka la kagbene kpakpasowura so, e maa nu a sa esa kama!”

1 Samuɛl 25:25

Jande sa maŋ kaŋ nu n sa Nabaal, esa jiga na. Mbe ketre na be kifito e la ewulpo! Nɛ mo alɛ be asheŋ woraso nɛ mbe ketre na duli abar. Ma ere daa maŋ wɔtɔ nna nɛ fo nyɛrbi na ba.