Aŋasa 18:6 - EBƆRƐ BE KAWƆL

⁶ Ewulpo be kudonduloŋ bee wɔtɔ mo asheŋ to nna, nɛ mbe kɔnɔ malɛ bee bar mo kebri.

Aŋasa 18:6 ပူးပေါင်းရင်းမြစ်များ

Aŋasa 12:16

Ewulpo e naa nya agbo a puŋi kɔnɔ. Enyiashempo bre bee kplaŋ katege so nna.

Aŋasa 13:10

Kamoowu bee bar esa tɔrɔ nna. Enyiashempo bre bee fin kasotoji nna.

Aŋasa 14:16

Enyiashempo bee ŋana Ebɔrɛ nna nsaa gelge alubi, ewulpo bre du brembreŋ nna, e maa fɛ nfɛra pɔɛŋ nsaa wora asheŋ.

Aŋasa 14:3

Ewulpo be kamoowu be mmalga bee bar mo kasogberge nna, ama enyiashempo bre be kɔnɔ bee mɔlga mo nna.

Aŋasa 17:14

Emɔrɔ be kefara du fanɛ nchu be gbi ka bee shin nɛ k futi nna. Lar kamɔrɔji to manaŋ pɔɛŋ nɛ k kurge asheŋ n sa fo.

Aŋasa 19:19

Shin nɛ esa kama nɛ mbe agbo wɔ mo, e ka mbe agbo na be kukɔ mo gbagba. Nɛ fo baŋ ka kumo be kukɔ kelekoŋwule, feeŋ baa ka mbe agbo be kukɔ saŋkikɛ.

Aŋasa 19:29

Kasogberge wɔtɔ nna ŋkpal basa kpeŋso so. Ewulpo kikɛ bee nya kebri nna.

Aŋasa 20:3

Kebaa maa sha kolu bee sa esa kemaŋkura nna. Ewulpo e naa sha kamɔrɔji.

Aŋasa 22:10

Ju esa nɛ e bee wora basa eyurto n lar, nɛ kolu, nɛ katege, nɛ asheŋ wurbi e loge.

Aŋasa 25:24

Kedese kuchoŋi be awɔlto bɔ ketu eche elushapo a wɔ ebu to.

Aŋasa 27:3

Ewulpo be kewɔtɔ esa agbo to wɔgbɛ a chɔ e ka sulɔ ajembu nɛ leele.

Aŋasa 29:9

Enyiashempo baŋ yɛr ewulpo ewurkpa, ewulpo na beeŋ ya kaa mushe chilchil n jija demu na.