Aŋasa 18:5 - EBƆRƐ BE KAWƆL

⁵ Alubiworapo maŋ daga kesɔ n yige ashi kasogberge to, esa nɛ e maŋ wora n jija malɛ maŋ daga kemɔn kashenteŋ.

Aŋasa 18:5 ပူးပေါင်းရင်းမြစ်များ

Job be kawɔl 34:19

Ebɔrɛ e to anyi kikɛ kuraa. Mo alɛ maa keni eko a bɔlɔ kenishi a chɔ eko. Damawura ŋko etirpo, ewura ŋko ebɔlpo, kikɛ la kukoŋwule nna ashi mbe anishito.

Nshɛ 82:2

“A maŋ daga men baa ji demu a kpɛa beko to; men sa maa ji a chɛ kumukpakpaso wuraana to!

Ɛksodɔs 23:2

Men sa maa bɛ jimaŋ so a wora alubi ŋko a ji efɛ be shɛda ashi demujikpa.

Ɛksodɔs 23:3

Men sa maa ji a chɛ esa to ŋkpal e ka la etirpo so.

Ɛksodɔs 23:6

Men sa maa mɔn betirpo kashenteŋ ashi demujikpa ŋkpal b ka la betirpo so.

Aŋasa 17:15

Enyɛnpe Ebɔrɛ kishi bumo nɛ baa malga a kuŋ belubiworapo, nɛ bumo nɛ baa ku asheŋ a deŋi basa nɛ b maŋ wora kulubi na ga.

Aŋasa 17:26

Esa nɛ e maŋ wora n jija maŋ daga kasogberge; nɛ esa nɛ e bee wora asheŋ nɛ a niŋi ekpa maŋ daga tɔrɔ.

Aŋasa 24:23

Kanyiasheŋ be mmalga ko gba nde: A maŋ daga demujipo ka bee kpɛa to.

Aŋasa 28:21

Ŋkpɛato maŋ walɛ, ama brɔbu fimbi beeŋ tiŋ n shin nɛ basa ko e wora kusɔ nɛ k maŋ daga.

Aŋasa 31:5

Nɛ mannɛ aloŋ baaŋ boo nseŋ teŋ efuli be mbra nɛ edaŋkaresheŋ so nsaa maaŋ tiŋ n ji kashenteŋ n sɔ bumo nɛ basa bee mɛaŋ na n yige.

Aizaaya 5:23

Ŋkpal menyi be kebaasɔ brɔbu basa kutɔ so, basa nɛ b daga fanɛ b ji n tɔr na bee nya bumo be amu nna a ji. Menyi alɛ bee ji demu nna a puni basa nɛ b maŋ wora alubi na.

Aizaaya 59:14

Keji asheŋ nɛ amo be ekpa so maŋ naa wɔtɔ, nɛ kewora kusɔ nɛ k daga gba maŋ wɔ anyi be kebaawɔtɔ to. Keji kashenteŋ kelɔnɛ so gba maŋ naa wɔtɔ ashi anyi to kuraa.

Levitikɔs 19:15

Men baa kɔ kashenteŋji nsaa ji asheŋ nɛ amo be ekpa so ashi men be demuji kikɛ to. Men sa maa kpɛa betirpo to ŋko a ŋana damawuraana.

Maika 3:9

Men nu nfe, menyi Israɛl be bejuŋkparpo, nɛ men kishi kebaaji asheŋ nɛ amo be ekpa so nsaa ta kulubi a tre kelela.

Maika 7:3

Alubi be kewora deŋ ekama nna. Ekrachi nɛ demujipoana bee tu basa nna a sɔ asɔ pɔɛŋ nsaa shuŋ bumo be ashuŋ a sa bumo. Ekama nɛ e kɔ eyilikpa basa to bee bɔla mbe eyilikpa so nna a fin asɔ a sa mbe kumu nna. Ekama wora kɔnɔ nna a shin nɛ loŋ be asheŋ bee wora.

Matiu 22:16

Bumo be bebɛsopo nɛ Hɛrɔd be basa na nɛ b daŋ shuŋi nɛ b ba bishi mo: “Eŋinipo, an nyi fo ka la kashenteŋjipo a ŋini basa abɔrɛsheŋ na nɛ amo be kashenteŋ be ekpa so, fo alɛ be shɛŋ maŋ wɔ kananɛ basa bee fɛ fo asheŋ to, ŋkpal manɛ so, fo maa keni kananɛ basa du nsaa malga.

Ditɛronɔmi 16:19

K maŋ daga b baa ji durmu ŋko a kpɛa to ashi bumo be demujiana to. B sa maŋ kaa sɔ brɔbu basa kutɔ pɔɛŋ nsaa ji bumo demu, ŋkpal manɛ so ŋkɛ be kesɔ beeŋ tiŋ n shin nɛ enyiashempo e sa maŋ ji kashenteŋ nseŋ shin nɛ beshenteŋjipo e ki befɛpo, saŋɛ na so nɛ b baa ji asheŋ ekpa nɛ k maŋ daga so.