Aŋasa 18:23 - EBƆRƐ BE KAWƆL

²³ Etirpo bee kule nna pɔɛŋ nsaa nya kechɛto; ama damawura bre bee malga kanaŋkama nna.

Aŋasa 18:23 ပူးပေါင်းရင်းမြစ်များ

Jeems 2:3

nɛ men sa damawura na bunyaŋ ga nseŋ kaŋɛ mo le: “Ba chena kabɛ lela ere so nfe,” kumo be kaman nɛ men kilgi ŋ kaŋɛ etirpo na malɛ le: “Choŋ n yili ndoŋ ere,” ŋko “Ya chena ekarso ndoŋ ere.”

Jeems 2:6

Ama le be basa ere nɛ menyi ere bee fɛl ŋkeshin nɛ mannɛ damawuraana e naa kaa tɔrɔ menyi nsaa nyaŋ menyi a yɔ edemujikpaana na a?

Matiu 5:3

“Kagbenefuli la bekama nɛ b nyi b ka la bebɔlpo ashi Ebɔrɛ be anishito na peya nna, ŋkpal manɛ so, ebɔrɛso be kuwura na la loŋ be basa peya nna.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

1 Samuɛl 25:17

Amoso jande, fɛ asheŋ ere be nfɛra nseŋ wora kusɔ ko a laŋɛ kumo be kaplɛa so, ŋkpal manɛ so, k beeŋ tiŋ m bar asheŋ m ba sa an nyɛnpe nɛ mbe kanaŋ kikɛ. Ŋkpal mo alɛ ka la kagbene kpakpasowura so, e maa nu a sa esa kama!”

1 Samuɛl 25:10

Ndoŋ nna nɛ Nabaal malɛ kaŋɛ le: “Wanɛ bre e la Jɛsi pibinyɛn Deevid ere? Naniere kananɛ nyɛrbi damta bee shile bumo nyɛnpeana nna na!

1 Samuɛl 2:36

Fo kanaŋ to be esa kama nɛ e kraa wɔ ŋkpa to malɛ beeŋ yɔ bɔrɛmatapo na kutɔ n ya jɔŋɛ ŋ kule mo amansherbi nɛ ajibi, mo alɛ nseŋ naŋ kule fanɛ b sa mo alɛ gba bɔrɛmatapo be kushuŋ ko nɛ e chɛ to n shuŋ nseŋ nya kusɔ jiso.”

Ruf be kawɔl 2:7

E ba nna m ba kule ma fanɛ n shin nɛ e bɛ beshumpo ere so a shishi a shishi. Mo alɛ ka baŋ murgi nfe chipur na kikɛ a shuŋ, kela koŋwule nɛ e baŋ yɔ kubuu to n ya wushi gbrɛ nseŋ naŋ lar.”

Ɛksodɔs 5:2

Ndoŋ nna nɛ ewura Fɛɛro bishi bumo le: “Wanɛ e la Enyɛnpe Ebɔrɛ ere nɛ k daga fanɛ n nu n sa mo n shin nɛ Israɛlebi e yɔ? Ma ere maŋ nyi Enyɛnpe Ebɔrɛ kama, ma alɛ maaŋ shin nɛ Israɛlebi na e yɔ.”

Jɛnesis 42:30

B yɛ: “Kanyɛn mo nɛ e la Ijipt be gomena na ya malga nyaŋnyaŋ nna n sa anyi nseŋ wora anyi fanɛ an ka la basa nɛ b ba nɛ b ba dara efuli na so ebi nna.

Jɛnesis 42:7

Josɛf malɛ ka baŋ wu mo daana na nɛ e pin bumo, ama e daa wora nna fanɛ e ka la efɔ na nseŋ malga bumo kutɔ nyaŋnyaŋ m bishi bumo le: “Nnɛ nɛ men shi?” Nɛ b yɛ: “Keenan be efuli so nɛ an shi m ba nɛ an ba tɔ ajibi.”

1 Bewura 12:13

Rehoboam daŋ kini benyɛnnimu na be kasotoji nna nsaa malga basa na mmalga jiga,

2 Kronikɛls 10:13

Ewura na daŋ kini benyɛnnimu na be kasotoji nna nsaa malga basa na m malga jiga

Aŋasa 19:7

Etirpo maŋ kɔ eniopibi, a bishi eteri. Kanaŋ kamaso nɛ e pere kenishi a sha bumo baa shile nna a ka mo.

Aŋasa 22:7

Damawuraana e naa ji betirpo so kuwura, nɛ basa nɛ baa paŋ asɔ bee ki bumo nɛ b paŋ bumo kutɔ na be anya.

Job be kawɔl 41:3

K beeŋ shuli ŋ kule fo fanɛ fo wu kumo kuwɔr a? Ŋko m malga boeŋ boeŋ n sa fo a?