Aŋasa 17:20 - EBƆRƐ BE KAWƆL

²⁰ Esa kama nɛ e maa ji kashenteŋ maaŋ yɔ anishito kikɛ. Efɛ bee bar esa tɔrɔ nna.

Aŋasa 17:20 ပူးပေါင်းရင်းမြစ်များ

Nshɛ 18:26

Fee ta kagbenekoŋwule nna a wora asheŋ a sa bumo nɛ b kɔ kagbenekoŋwule. Ama fee gberge alubiworapoana bre kusoe nna.

Aŋasa 10:10

Esa nɛ e bee dɔ a buu kashenteŋ so bee wɔtɔ basa ebesa to nna, ama esa nɛ e maa fɛ nfɛra pɔɛŋ nsaa malga maa chɛr nsaa tɔr.

Aŋasa 10:14

Enyiashempo bee fin kenyi nna a ti so saŋkikɛ, ama ewulpo be mmalga e naa da mo a lɛ.

Aŋasa 10:31

Basa nɛ baa wora asheŋ nɛ a niŋi bee malga kanyiasheŋ be mmalga nna, ama baaŋ kuŋ mmalga lubi wora bre ekpa.

Aŋasa 24:20

Ŋkpal manɛ so alubiworapo maŋ kɔ echefoso be tama. Mo alɛ beeŋ choŋ fanɛ kananɛ fitila beeŋ duŋ na.

Aŋasa 3:32

Ŋkpal manɛ so, Enyɛnpe Ebɔrɛ na kishi basa nɛ baa wora alubi be asheŋ ga, ama e yirda basa nɛ bumo be aworbi niŋi na bre nna.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Kaŋinichiŋgeliŋ 10:12

Enyiashempo be mmalga bee bar mo kemaŋkura nna, ama ewulpo bre be kɔnɔ to be mmalga e naa mur mo.