Aŋasa 17:17 - EBƆRƐ BE KAWƆL

¹⁷ Beteri bee sha abar nna; nɛ bekurgepo malɛ bee cha abar to ashi tɔrɔ to.

Aŋasa 17:17 ပူးပေါင်းရင်းမြစ်များ

2 Samuɛl 1:26

N sipo Jonatan, fo shin nɛ kagbenejija gboŋgboŋi tɔr ma so; ŋkpal fo kasha nɛ fo kɔ n sa ma so; Fo daa sha ma a chɔ kananɛ eche bee sha mo kul.

2 Samuɛl 15:21

Nɛ Ittai kaŋɛ ewura na le: “Yiramu, ŋkpal Enyɛnpe Ebɔrɛ nɛ e la ma shɛdajipo na so, kaplɛkama nɛ fee yɔ, hale nɛ k la luwu to nna gba, ma nɛ fo beeŋ yɔ.”

Ɛsta 4:14

Nɛ fo baŋ maŋ wora shɛŋ le be jemanɛ ere, ashere, echɛtopo ko beeŋ shi kakpa ko m ba mɔlga anyi. Ama fo ere nɛ fo tuto be kanaŋ to ebi kikɛ beeŋ mur. Wanɛ e nyi fanɛ le bre so nɛ fo ki ewurche le be jemanɛ ere?”

Aŋasa 16:28

Esa nɛ e bee ku asheŋ bee bar kebagato nna nɛ esa nɛ e bee sha ŋkuli malɛ bee ku beteri kpakpaso to.

Aŋasa 18:24

Beteri damta beeŋ tiŋ n jija esa be kebaawɔtɔ; ama eteri ko chɔ eniopibi.

Aŋasa 19:13

Kebia wulpo bee wɔtɔ mo tuto asheŋ to nna; Eche nɛ asheŋ maa bɔlɔ kenishi malɛ du nna fanɛ bɔrɛfurbi nɛ k maa teŋ manaŋ.

Aŋasa 19:7

Etirpo maŋ kɔ eniopibi, a bishi eteri. Kanaŋ kamaso nɛ e pere kenishi a sha bumo baa shile nna a ka mo.

Hibruwebi 2:11

Basa nɛ b lara nɛ b ki Ebɔrɛ be basa na nɛ bumo be elarapo Yesu kikɛ shi kanaŋ koŋwule to nna. Amoso nɛ ketre bumo mo niopibiana maa wora mo anishinyɔr na.

Ruf be kawɔl 1:16

Nɛ Ruf kaŋɛ mo: “Sa maa kaŋɛ ma fanɛ n yige fo m bɛta a yɔ epe. Kaplɛkama nɛ fee yɔ, ndoŋ nɛ meeŋ yɔ. Kakpa nɛ feeŋ ya kaa wɔ, ndoŋ nɛ meeŋ baa wɔ. Fo basa beeŋ baa la ma basa nɛ fo Ebɔrɛ e baa la ma Ebɔrɛ.

1 Samuɛl 18:3

Ŋkpal Jonatan malɛ ka bee sha Deevid ga so, e daŋ shin nna nɛ b nase keteri kpakpaso be kɔnɔ n sa abar.

1 Samuɛl 19:2

Ndoŋ nna nɛ Jonatan kpele Deevid kusoe ŋ kaŋɛ mo le: “N tuto bee fin fo nɛ e mɔ, amoso baa da so. Echefo chipurso ya ŋana kupuŋ to nsaa wɔ ndoŋ.

1 Samuɛl 19:3

Meeŋ keta n tuto m ba kakpa nɛ fo ŋana nna m ba malga fo asheŋ n sa mo, kumo be kaman, nɛ ŋ kaŋɛ fo kusɔ kama nɛ k wɔtɔ.”

1 Samuɛl 20:17

Ŋkpal Jonatan ka daa sha Deevid fanɛ kananɛ e bee sha mo gbagba be kumu so e daŋ shin nɛ Deevid nase kɔnɔ kela nyɔsopo nna n sa mo fanɛ e beeŋ baa la mo teri kpakpaso.

1 Samuɛl 23:16

Ndoŋ nna nɛ Jonatan yɔ Deevid kutɔ n ya leŋ mo to ŋ kaŋɛ mo fanɛ Ebɔrɛ beeŋ kuŋ mo,