Aŋasa 17:14 - EBƆRƐ BE KAWƆL

¹⁴ Emɔrɔ be kefara du fanɛ nchu be gbi ka bee shin nɛ k futi nna. Lar kamɔrɔji to manaŋ pɔɛŋ nɛ k kurge asheŋ n sa fo.

Aŋasa 17:14 ပူးပေါင်းရင်းမြစ်များ

2 Samuɛl 19:41

Ndoŋ nna nɛ Israɛl be benapo na kikɛ yɔ ewura Deevid kutɔ n ya bishi mo le: “Yiramu, manɛ nna nɛ an niopibiana Juda be basa bee fɛ fanɛ bumo e kɔ ekpa nseŋ keta fo nɛ fo kanaŋ nɛ fo benapo kikɛ n dii Jɔɔdan be Lɔr na?”

2 Kronikɛls 13:17

Ewura Abija nɛ mbe benapo daŋ kɔ m pɔɔ Israɛlebi na so nna nseŋ mɔ bumo be benapo ŋgboŋ alfa anu kikɛ.

Aŋasa 13:10

Kamoowu bee bar esa tɔrɔ nna. Enyiashempo bre bee fin kasotoji nna.

Aŋasa 14:29

Enyitipo e la enyiashempo. Esa nɛ e bee nya agbo manaŋ manaŋ bee shin nɛ mbe kawulisheŋ bee dii efuli nna.

Aŋasa 15:1

Kɔnɔ belbelso bee ju agbo nna, ama kɔnɔ nyaŋnyaŋso bre bee kaa agbo nna.

Aŋasa 16:32

Kanyiti be keji bɔ kenyɛn be keji. Enyitipo chɔ enapo nɛ e kɔ m pɔɔ nde damta so.

Aŋasa 17:19

Elushapo kikɛ maa barga alubi be kewora. Fo baa puchi ga fee fin asheŋ nna a sa fo kumu.

Aŋasa 19:11

Kanyiti be keji la kanyiasheŋ nna. Esa baŋ wora fo kulubi nɛ fo kplaŋ mo so, k la kemaŋkura nna n sa fo.

Aŋasa 20:3

Kebaa maa sha kolu bee sa esa kemaŋkura nna. Ewulpo e naa sha kamɔrɔji.

Aŋasa 25:8

Sa maa kuse a ta asheŋ a yɔ demujikpa. Mannɛ aloŋ b baŋ ji m bri fo anishinyɔr beeŋ pɛ fo.

Aŋasa 26:21

Kananɛ ndibi nɛ ajanwulɛ bee shin nɛ edɛ bee nyɛrga na, aloŋ nɛ elushapo bee keta kolu to a chɛr.

Aŋasa 29:22

Esa nɛ e bee nya agbo manaŋ manaŋ bee bar kebagato nna, nsaa wora a foe ekpa manaŋ manaŋ.

Romebi 12:18

Men baa wora ania kanaŋkamaso nɛ menyeeŋ tiŋ nɛ menyi nɛ basa kikɛ e baa wɔ kagbenewushi be kebaawɔtɔ to.

1 Tɛsalɔnikaebi 4:11

Ekama e pere kenishi a fin kananɛ e beeŋ baa du boeŋ a maa luri basa be asheŋ to nsaa keni mbe kumu so fanɛ kananɛ an daŋ kaŋɛ menyi na.