Aŋasa 17:12 - EBƆRƐ BE KAWƆL

¹² Fo ka purgi buluŋ cheso nɛ k bee yɛla kenishi to a fin kumo pibi bɔ fo ka tu ewulpo a wora kawulisheŋ.

Aŋasa 17:12 ပူးပေါင်းရင်းမြစ်များ

2 Samuɛl 17:8

Fo gbagba na nyi fo tuto Deevid nɛ mbe basa ka bee pere kenishi a kɔ kena ga, bumo alɛ nseŋ naŋ lubi a chɔ shishiri nɛ b mɔ kumo be mbia. Fo tuto nyi kena to nɛnɛ ga amoso e maaŋ tu mbe benapo n dese kakpa koŋwule kanyɛ ere.

2 Bewura 2:24

Elaisha ka gbɛ ŋ keni n wu bumo nɛ e gbɛlɛ bumo nseŋ sho bumo kɔnɔ ashi Enyɛnpe Ebɔrɛ be ketre to. Epul to nɛ eshishiri cheso anyɔ lar kupuŋ to ŋ kpɛa mbia na be adena nɛ anyɔ to chɛbarchɛbarbi.

Aŋasa 17:11

Kumu kpakpasowura kutɔ nɛ baa shuŋi belubiworapo nɛ b kɔ kusoe kpakpaso a kini kenu n sa na.

Aŋasa 27:3

Ewulpo be kewɔtɔ esa agbo to wɔgbɛ a chɔ e ka sulɔ ajembu nɛ leele.

Aŋasa 28:15

Ewura lubi nɛ e bee tɔrɔ betirpo du nna fanɛ buluŋ nɛ e bee ponte to na, ŋko shishiri nɛ akoŋ kɔ.

Aŋasa 29:9

Enyiashempo baŋ yɛr ewulpo ewurkpa, ewulpo na beeŋ ya kaa mushe chilchil n jija demu na.

Hoziya 13:8

Meeŋ kɔ menyi nseŋ kpɛa menyi to cheche fanɛ shishiri nɛ kumo be bibi foe na. Meeŋ tɛ n yuu menyi so epul to fanɛ buluŋ na, nseŋ kpɛa menyi to m min fanɛ kupuŋ to be kusɔbɔya na.

Matiu 2:16

Ewura Hɛrɔd ka pin fanɛ epeŋilarkpa be kasawule so be befɔ na fule mo nna nɛ agbo pɛ mo ga nɛ e sa ekpa ŋ kaŋɛ fanɛ b mɔ Bɛtlɛhɛm to nɛ ndoŋ be kasawule na so kikɛ to be mbinyɛnsobi nɛ b daŋ fo nfɛ anyɔnyɔ nɛ bumo nɛ b daa maŋ naŋ fo loŋ na kikɛ nyam. Ewura Hɛrɔd daŋ sa le be mbra ere nna fanɛ b mɔ mbia nɛ b fo nɛ bumo nɛ b daa maŋ naŋ fo nfɛ anyɔnyɔ na nna ŋkpal e ka daŋ bishi befɔ na wulo to m pin saŋɛ nɛ kechɛkpabi na daŋ lar na so.