Aŋasa 16:7 - EBƆRƐ BE KAWƆL

⁷ Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Aŋasa 16:7 ပူးပေါင်းရင်းမြစ်များ

Jɛnesis 27:41

Ndoŋ nna nɛ Isɔɔ fara a kishi Jeekɔb ŋkpal nɛfa nɛ mo tuto daŋ sa mo na so nseŋ fɛ mbe kumu to le: “K maaŋ naŋ chɛr nɛ n tuto e wu nɛ an shu mbe keeli. Keeli na be kaman meeŋ mɔ n sipo Jeekɔb.”

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Jɛnesis 33:4

Ndoŋ nna nɛ Isɔɔ malɛ shile n ya ber Jeekɔb to n far n chɛ mo n lɛ mbe enɔ n deŋi mbe abatimu so nɛ bumo benyɔ na kikɛ shu ga.

2 Kronikɛls 17:10

Enyɛnpe daŋ shin nɛ kufu pɛ efuli nɛ a kulti Juda na nna nɛ b maŋ tiŋ ŋ kɔ Ewura Jehoshafat kena.

2 Kronikɛls 20:30

Amoso Jehoshafat daŋ ji mbe kuwura kagbenewushiso nna nɛ Ebɔrɛ daŋ kuŋ mo ekpa kama so.

Ɛzra 8:36

Bumo alɛ daŋ naŋ ta kawɔl nɛ ewura na sibɛ n sa fanɛ b ta m ba sa Yufreetes be epeŋitɔrkpa be efuli so be gomena nɛ ndoŋ be benimu na nna n ya sa bumo. Nɛ bumo alɛ gba chɛ Israɛlebi na nɛ bɔrɛlambu na be kushuŋ to ga.

Nshɛ 69:31

Kumo be loŋ beeŋ par Enyɛnpe Ebɔrɛ na a chɔ keta gbolu fɛlso ŋko gbolu danso n lara sarga n sa mo.

Ɛksodɔs 3:21

Ma alɛ beeŋ shin nɛ Ijiptebi na e bugi ŋgbene n chɛ Israɛlebi na to saŋɛ na so men kaa lar ndoŋ men maaŋ ta enɔfuloŋ n lar.

Aŋasa 16:8

Kebɔla ekpa niŋiso so n nya asɔ gbrɛ bɔ kebirkɔshi so be kedamaya.

Aŋasa 3:17

Kanyiasheŋ beeŋ sa fo kebaawɔtɔ belbelso, nseŋ ŋini fo ekpa lela nɛ feeŋ baa bɔla so a wora asheŋ ashi fo kebaawɔtɔ to.

Jɛremaya 15:11

Ndoŋ nna nɛ Enyɛnpe Ebɔrɛ na kaŋɛ ma le: “N nase kɔnɔ fanɛ meeŋ kuŋ fo jɛrbi be jemanɛ, nɛ fo doŋana gba e kule fo fanɛ fo chɛ bumo to.”

Jɛremaya 39:12

“Yɔ n ya fin Jɛremaya nsaa keni mo so nɛnɛ. Sa maŋ kaŋ tɔrɔ mo, ama baa wora kusɔ kama nɛ e bee sha a sa mo.”

Jɛremaya 42:12

Ŋkpal ŋ ka bee wu kuwɔr so, meeŋ shin nɛ e wu menyi kuwɔr nseŋ shin nɛ men bɛta n yɔ epe. Ma, Enyɛnpe Ebɔrɛ e kaŋɛ na.’

Danɛl 1:9

Ndoŋ nna nɛ Ebɔrɛ shin nɛ Danɛl be asheŋ pɛ Ashpenaaz kuwɔr.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

Kɔlɔsiebi 3:20

Mbia, men baa bunyaŋ men nioana nɛ men tutoana kusɔ kama to ŋkpal men ka la Enyɛnpe na peya so, aloŋ e naa par Enyɛnpe na.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

1 Pita 3:13

Nɛ men baŋ pere kenishi a sha kelela be kebaawora, wanɛ e naaŋ tiŋ n tɔrɔ menyi?

1 Jɔn 3:22

Anyi alɛ naa tiŋ a nya kusɔ kama nɛ anyee kule mo ŋkpal an ka bee bɛ mbe mmalga naseso so so nsaa wora asɔ nɛ a bee par mo na so.