Aŋasa 16:2 - EBƆRƐ BE KAWƆL

² Dimɛdi beeŋ fɛ fanɛ mbe asheŋ woraso walɛ, ama Enyɛnpe Ebɔrɛ nawule e nyi kusɔ nɛ k walɛ.

Aŋasa 16:2 ပူးပေါင်းရင်းမြစ်များ

Nshɛ 36:2

Ŋkpal b kaa bee sha bumo gbagba be amu ga so so; b maa wu alubi nɛ baa wora, hale nɛ baa kishi amo gba.

Aŋasa 12:15

Ewulpo nawule e naa fɛ fanɛ e kɔ kashenteŋ nna saŋkama. Enyiashempo bre bee kaŋ kusoe nna a nu kasotoji.

Aŋasa 16:25

Asheŋ ko bee kaa du fanɛ asheŋ lela nna n sa dimɛdi, ama amo be lalaloge bee yɛr mo luwu to nna.

Aŋasa 17:3

Edɛ nɛ baa ta a wora shuwa nɛ gbiti a keni a pin amo be kela; ama Enyɛnpe Ebɔrɛ na e naa wora dimɛdi be kagbene a keni.

Aŋasa 21:2

Dimɛdi be aworbi beeŋ tiŋ m par mo, ama Enyɛnpe Ebɔrɛ e nyi esa be kagbene to.

Aŋasa 24:12

Nɛ fo kaŋɛ fanɛ k maŋ la fo asheŋ, Ebɔrɛ nɛ e nyi nfɛra nɛ aworbi na bre nyi kusɔ so so nɛ fee wora kusɔ kama. Mo alɛ e naŋ ka fo kusɔ kama nɛ fo wora be kukɔ.

Aŋasa 30:12

Beko malɛ bee fɛ fanɛ baa wora asheŋ nɛ a niŋi nna ama alubi damta e bɔlɔ bumo to.

Aŋasa 5:21

Enyɛnpe Ebɔrɛ na bee wu kusɔ kama nɛ fee wora. Kaplɛkama nɛ fee yɔ e bee wu fo.

Aizaaya 26:7

Kusɔ nɛ k daga nɛ fo Enyɛnpe Ebɔrɛ bee wora jemanɛ kikɛ, nsaa shin nɛ ekpabi bee ki fanɛ kegbembi a sa basa nɛ baa wora fo kasonu.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Danɛl 5:27

Egbɛ, na malɛ be kifito bee ŋini nna fanɛ b ta fo aworbi m ber Ebɔrɛ be alelasheŋ n wu fanɛ fo aworbi maŋ walɛ kuraa.

Nɔmbɛs 22:32

Nɛ malaika na kaŋɛ Balaam le: “Manɛ nna nɛ fo bri fo kurma ale asa kikɛ? M ba nna nɛ m ba kuŋ fo ekpa nɛ fo maaŋ yɔ fo enite ere to.

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Kelaraŋŋini 2:18

Nɛ e naŋ kaŋɛ: “Sibɛ kawɔl ere n sa Tayataira be kade to be asɔri be malaika na ŋ kaŋɛ mo le: ‘Mmalga ere shi Ebɔrɛ Pibinyɛn mo nɛ mbe anishi du fanɛ edɛ be adondulombi nɛ mbe ayadra malɛ bee kpa edɛ fanɛ katishaŋ peper na kutɔ nna.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Demujipoana 17:6

Israɛlebi daa maa kɔ bewura loŋ be jemanɛ na. Ekama daa wora kusɔ nɛ e daa sha nna.

Demujipoana 7:6

Basa alfa asa e daŋ ta bumo be enɔana a jɔ nchu na a nuu, nɛ bumo nɛ b ka na malɛ kikɛ gbir amuli so n ta bumo be nnɔ m pugi nchu na so a nuu.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”

1 Samuɛl 2:3

Menyi kamoowuwuraana; men yige men be nfɛlso be mmalga na. Shɛŋ shɛŋ maa ŋana fo Enyɛnpe Ebɔrɛ so. Fo alɛ e naaŋ ji ekama be aworbi demu.