Aŋasa 16:18 - EBƆRƐ BE KAWƆL

¹⁸ Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aŋasa 16:18 ပူးပေါင်းရင်းမြစ်များ

Ɛsta 3:5

Heman ka pin fanɛ Mɔdikaya kini kejɔŋɛ mo ase ŋko m bunyaŋ mo, nɛ e nya agbo ga.

Ɛsta 6:6

Heman ka luri nɛ ewura na bishi mo le: “Manɛ e daga ŋ ka wora n sa esa nɛ mee sha keta n yili bunyaŋ be eyilikpa?” Nɛ Heman fɛ le: “M baa nyi geeŋ fanɛ ma nɛ ewura bee sha kewora le be kusɔ ere n sa na.”

Ɛsta 7:10

Nɛ b ya chɛ Heman efɔl n shiga kedibi nɛ e yuu fanɛ b chɛ Mɔdikaya n shiga so na so. Nɛ ewura na be kagbene wushi mo.

Aŋasa 11:2

Kamoowuwuraana maa chɛr nsaa ji anishinyɔr. Kamubrase bre bee sa esa kanyiasheŋ nna.

Aŋasa 17:19

Elushapo kikɛ maa barga alubi be kewora. Fo baa puchi ga fee fin asheŋ nna a sa fo kumu.

Aŋasa 18:12

Kamoowu bee yɛr esa kemur to nna; ama kamoobarase bre bee sa esa kemaŋkura nna.

Aŋasa 29:23

Kamoowu bee bar esa kaseto nna, ama kamoobarase bee sa esa kemaŋkura nna.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aizaaya 37:38

Kachako e ka yɔ mbe kegbir be lambu to n ya kaa shuŋ mbe kegbir nɛ baa tre Nishrɔk na, nɛ mbe mbinyɛnsobi anyɔ nɛ baa tre bumo Adremalɛk nɛ Shareza na ta bumo be etokobi m mɔ mo ndoŋ. Kumo be kaman nɛ b shile n yɔ Ararat be kasawule so nɛ mo pibinyɛn nɛ baa tre Essahaddɔn na sɔ mo so ŋ ki ewura.

Jɛremaya 49:16

Menyi be kamoowuso nɛ menyee fɛ fanɛ efuliana na be basa bee ŋana menyi na. Menyi ka chena abee to nɛ abee be awɔlto so nɛ menyee fɛ loŋ, ama nɛ men wɔ awɔlto chilili fanɛ kusore gba, Enyɛnpe Ebɔrɛ na beeŋ tiŋ m bar menyi kaseto. Ma, Enyɛnpe Ebɔrɛ e kaŋɛ na.”

Jɛremaya 50:32

Menyi be efuli nɛ kamoowu bɔlɔ kumo to na beeŋ fiti n tɔr nɛ esa kikɛ maaŋ chɛ to n niŋi kumo to n yili. Meeŋ shin nɛ menyi be ndegboŋana e ji edɛ nɛ asɔ kama nɛ a kulti menyi na kikɛ e mur.”

Ezikɛl 28:17

Fo ka daa walɛ keyɛrbi so, fo daa wu fo kumu nna. Fo ketre ka dii so fo daa wora asheŋ nna fanɛ ewulpo. Amoso nɛ n lara fo n lɛ kasawule so nɛ bewura pɔtɛ e wu kusɔ nɛ n wora fo na nɛ k baa la kusoe kpele n sa bumo.

Ezikɛl 29:9

Nɛ Ijipt be efuli na a ki kasawule jiga nɛ shɛŋ maŋ naa wɔ kumo so a dese. Ndoŋ nɛ menyeeŋ pin fanɛ ma e la Enyɛnpe Ebɔrɛ na. Ŋkpal fo ka kaŋɛ fanɛ feeto Nail be lɔr na a ki feya so,

Danɛl 11:12

Kumo be kaman nɛ kamoowu e luri Ijipt be efuli so be ewura na to, ŋkpal mbe kekɔmpɔɔso nɛ benapo damta nɛ e mɔ na so. Ama mannɛ saŋkama nɛ e beeŋ ba kɔ a pɔɔ so.

Danɛl 5:22

Fo mo pibinyɛn, Bɛlshaaza ere nyi asheŋ ere kikɛ nseŋ kini kebar fo kumu kaseto.

Danɛl 5:24

Amoso nɛ Ebɔrɛ shuŋi enɔ na fanɛ k sibɛ le be mmalga ere egbal so na.

Matiu 26:74

Ndoŋ nna nɛ Pita bɔ ntaŋ n deŋi mbe kumu nseŋ kaŋɛ: “M maŋ nyi kanyɛn na kuraa!”

Luuk 14:9

esa nɛ e tre menyi kikɛ na beeŋ ba kaŋɛ fo: ‘Koso nseŋ ta kabɛ ere n sa ede.’ Saŋɛ na so feeŋ ta anishinyɔr n ya chena bebɔlpo be kakpa.

Romebi 11:20

To, kashenteŋ nna fanɛ b daŋ fɛta bumo nɛ b daa la kedibi na be ayabi gbagba na nna n lɛ ŋkpal b ka maŋ kɔ yirda so, ama yirda so nɛ menyi ere yil kpakpa na. Amoso, men sa maa wu menyi be amu, men baa kɔ kabɔrɛŋana a wɔtɔ.

1 Timoti 3:6

Esa nɛ e la asɔri to be ejuŋkparpo na daga e ka chɛr kebɛso na to nna, nɛ mannɛ aloŋ, e beeŋ luri kamoowu to nɛ Ebɔrɛ e ji mo kumo be demu fanɛ kananɛ Setani daŋ wora nɛ Ebɔrɛ gberge mo kusoe na.

Demujipoana 11:28

Ama Ammɔn be ewura daa maŋ nu Jɛfta be kubɔya na.

1 Samuɛl 17:42

keni n wu fanɛ e la kabrantiɛbia nna nsaa walɛ kayɛrbi, nɛ e wora mo eyurto