Aŋasa 16:10 - EBƆRƐ BE KAWƆL

¹⁰ Ewura be mmalga kɔ yuku nna, nɛ mbe kɔnɔ to be atuwebi malɛ bee bɛ kashenteŋ be ekpa so.

Aŋasa 16:10 ပူးပေါင်းရင်းမြစ်များ

Jɛnesis 44:15

Nɛ Josɛf bishi bumo: “Manɛ be kushuŋ lubi nɛ men shuŋ loŋ? Men maŋ nyi fanɛ esa kama nɛ e du fanɛ ma le beeŋ tiŋ m bishi so m pin asheŋ to a?”

Jɛnesis 44:5

Manɛ e ba nɛ men yuri n nyɛnpe be gbiti be kusɔnuunchu? To, kumo nɛ e kɔ a nuu asɔ nseŋ naa kɔ kumo a bishi so. Kusɔ nɛ men wora ere maŋ walɛ kuraa!’ ”

2 Samuɛl 14:16

Ma alɛ naa fɛ nna fanɛ feeŋ nu n sa ma nseŋ mɔlga ma nɛ ma pibinyɛn ashi basa nɛ baa sha kemɔ anyi n sɔ kasawule nɛ Ebɔrɛ ta n sa anyi na be enɔ to.

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

2 Kronikɛls 26:16

Ewura Uziya ka nya eleŋ nɛ mbe ketre dii ga na, nɛ kamoowu luri mo to nɛ kumo be loŋ shin nɛ e tɔr. E daŋ wora kusoe kpakpaso nna n sa Enyɛnpe mbe Ebɔrɛ na nseŋ ya luri bɔrɛlambu na to nɛ e chɔɔ duwu bɔrɛsure nɛ baa chɔɔ duwu kumo so na so.

Nshɛ 99:4

Ewura na la esagboŋ nna, nsaa sha kebaaji asheŋ nɛ amo be ekpa so. Mo e yili keji asheŋ nɛ amo be ekpa so ashi Israɛl be efuli so be kaplɛkama.

Aŋasa 29:4

Ewura nɛ e bee ji kashenteŋ be efuli kɔ eleŋ nna, ama emo nɛ e kɔ kejimuni nsaa sɔ brɔbu bre be efuli bee bure nna.

Hoziya 10:4

Bumo be mmalga kikɛ la mmalga fuloŋ nna nɛ bumo be nnɔ naseso kikɛ la efɛ. Kashenteŋji loge nɛ efɛ sɔ kakpa a salga to fanɛ afitiri nɛ a bee mɔ adɔjibi na.

Eemɔs 5:7

Menyeeŋ mur cheche, ŋkpal manɛ so menyee kilgi kashenteŋ nna a buu nsaa wɔtɔ a puni basa!

Eemɔs 6:12

Egbaŋɛ beeŋ tiŋ n shile afalta so manaŋ manaŋ a? Ŋko anafɛlso beeŋ tiŋ n dɔ teku to a? Ama menyi ere ta keji asheŋ nɛ amo be ekpa so ŋ kilgi kɔrtɔ nseŋ ta ekpa niŋiso malɛ ŋ ki ekpa kɔnto.