Aŋasa 15:8 - EBƆRƐ BE KAWƆL

⁸ Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 15:8 ပူးပေါင်းရင်းမြစ်များ

2 Samuɛl 15:12

Absalɔm ka bee lara sarga na, nɛ e shuŋi fanɛ b ya tre Ahitofɛl nɛ e bee ji ewura Deevid asoeto na ashi mbe kade to Gilo m ba. Bumo be ŋkre nɛ b daŋ kre nɛ b ju ewura Deevid na daa maŋ du kpakpa n sa bumo, ŋkpal manɛ so basa nɛ baa bɛ Absalɔm so na baa wora kishi nna a ti so.

1 Bewura 3:10

Kusɔ nɛ ewura Sɔlɔmɔn kule na daŋ fuli Enyɛnpe Ebɔrɛ na be kagbene ga.

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

Nshɛ 141:2

Nu ma kekule fanɛ duwu be efɛa belbelso, nseŋ wu ma enɔana nɛ m maŋ so ere fanɛ kaaseso be sarga nɛ mee lara a sa fo.

Nshɛ 17:1

O Enyɛnpe Ebɔrɛ, nu ma kekule ere; ŋkpal ŋ ka maŋ wora n da so so, Nu ma kushu. Kaŋ kusoe n nu ma kabɔrɛkule. Mannɛ efɛ be kudonduloŋ to nɛ k shi.

Aŋasa 10:24

Basa nɛ baa wora asheŋ niŋiso bee nya kusɔ nɛ baa sha nna, ama kusɔ nɛ belubiworapo bre maa sha nɛ baa nya ga.

Aŋasa 15:29

Enyɛnpe Ebɔrɛ na maa nu basa lubi be kabɔrɛkule, basa nɛ baa wora asheŋ niŋiso peya nɛ E bee nu.

Aŋasa 15:7

Benyiashempo be atuwebi e naa sa basa kenyi, mannɛ bewulpo peya.

Aŋasa 21:27

Enyɛnpe Ebɔrɛ kishi belubiworapo be sarga ga. Fɔŋfɔŋ saŋɛ nɛ b nya kumo ekpa lubi so na.

Aŋasa 21:3

Kewora kusɔ nɛ k niŋi nɛ kashenteŋji bee par Enyɛnpe Ebɔrɛ a chɔ sarga be kelara.

Aŋasa 28:9

Ebɔrɛ maa nu esa nɛ e maa bɛ mbra so be kabɔrɛkule.

Kaŋinichiŋgeliŋ 5:1

Baa da asheŋ nɛ fee wora ashi Ebɔrɛ be lambu to so. Fee yɔ ndoŋ nna nɛ fo ya nu kusɔ nɛ beŋinipo bee ŋini, mannɛ keya lara kawuliso be sarga fanɛ bewulpo nɛ b maŋ nyi alubi nɛ alela be mbarga na.

Sɔlɔmɔn 2:14

Fo du nna fanɛ lepɔ nɛ e ŋana kefalta to ashi kebeegboŋ so na. Shin nɛ n wu fo anishito; nseŋ nu fo ebɔl belbelso na.

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Aizaaya 66:3

Basa kikɛ bee wora bumo be aparsheŋ nna nsaa wɔtɔ a wora mbushusheŋ kananɛ baa sha. Ŋkpal loŋ so, esa kama nɛ e ta gbolu n lara sarga n sa ma nɛ esa nɛ e mɔ esa kikɛ la kukoŋwule nna; nɛ emo nɛ e ta kpakpafɔlbi n lara sarga malɛ nɛ esa nɛ e kii jɔnɔ be kubɔ to m mɔ gba la kukoŋwule nna. Bekama malɛ nɛ baa ta ayu a lara esarga a sa ma nɛ basa nɛ baa ta epreku be ŋklaŋ a lara esarga kikɛ la kukoŋwule nna ashi ma anishito. Esa nɛ e bee chɔɔ duwu a lara sarga a sa ma nɛ emo nɛ e bee shuŋ agbir kikɛ la kukoŋwule nna.

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Danɛl 9:23

Saŋɛ nɛ fo fara a kule kabɔrɛkule na kikɛ nɛ Ebɔrɛ nu fo kekule na. Ebɔrɛ bee sha fo nna amoso nɛ m ba nɛ m ba kaŋɛ fo kabɔrɛkule na be atuwebi. Amoso kaŋ kusoe n nu kusɔ nɛ mee shin nɛ ŋ kaŋɛ fo naniere.

Levitikɔs 7:18

Nɛ eblaŋ na fo nchɛ asa nɛ b we kumo, Ebɔrɛ maaŋ sɔ esa na be sarga na. Esa nɛ e lara sarga na maaŋ nya kumo be nɛfa, kumo alɛ maaŋ baa la sarga cheembi. Kumo be kumu lubi malɛ beeŋ baa bɛ esa kikɛ nɛ e we kumo be eblaŋ na so.

Maika 6:6

Manɛ bre nɛ meeŋ ta m ba Enyɛnpetale Ebɔrɛ nɛ e wɔ ebɔrɛso na kutɔ m ba bunyaŋ mo? N ta egbolu lela ga nɛ a ji nfɛ koko m ba lara sarga chɔɔso n sa mo a?

Maika 6:7

N ta mbolpɔ ŋgboŋto ŋgboŋto ŋko ɔlif be ŋku nɛ e du fanɛ lɔr be bɔlɔ m ba mo kutɔ, k beeŋ par mo a? N ta ma wurkoŋnyɛn n lara sarga n sa mo ŋkpal ma alubi so a?

Heegai 2:14

Ndoŋ nna nɛ Heegai kaŋɛ: “Enyɛnpe Ebɔrɛ na yɛ, aloŋ koŋwule na nɛ k du a laŋɛ basa ere nɛ efuli na kikɛ be kaplɛa so ŋ kutɔ. Kusɔ kama nɛ baa wora nɛ asɔ kama nɛ baa ta a lara esarga na kikɛ maŋ walɛ so.”

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Baru lela nɛ Jɔn kute na 4:24

Ebɔrɛ la Kiyoyu nna nɛ a daga fanɛ bumo nɛ baa bunyaŋ mo e baa bɔla mbe Kiyoyu be eleŋ so a bunyaŋ mo kashenteŋto.”