Aŋasa 15:7 - EBƆRƐ BE KAWƆL

⁷ Benyiashempo be atuwebi e naa sa basa kenyi, mannɛ bewulpo peya.

Aŋasa 15:7 ပူးပေါင်းရင်းမြစ်များ

Nshɛ 119:13

Meeŋ bugi kɔnɔ ŋ kaŋɛ beko awɔrso fo mbraana nɛ fo sa na kikɛ be asheŋ.

Nshɛ 37:30

Kanyiasheŋ be mmalga e naa lar esa nɛ e bee wora asheŋ nɛ a niŋi be kɔnɔ to, nɛ mbe kudonduloŋ bee tuge asheŋ nɛ a niŋi ekpa.

Nshɛ 45:2

Enyɛn kikɛ maŋ walɛ keyɛrbi fanɛ fo. Mmalga belbelso nawule e naa shi fo kɔnɔ to. Amoso nɛ Ebɔrɛ bee nɛfa fo.

Aŋasa 15:2

Enyiashempo be kamalga bee koli basa nna a ba mo kutɔ, ama kawulisheŋ e naa lar ewulpo bre be kɔnɔ to.

Aŋasa 15:6

Basa nɛ baa wora asheŋ niŋiso e naa ji bumo be kanya be tɔnɔ. Ama tɔrɔ be saŋɛ belubiworapo bre bee paŋ bumo be kanya nna.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aŋasa 16:23

Enyiashempo bee fɛ nfɛra nna pɔɛŋ nsaa malga, amoso mbe keŋini bee leŋ basa to nna a wɔtɔ kasheŋwora to.

Aŋasa 5:2

Amo e naaŋ sa fo da lela, nseŋ shin nɛ fo mmalga e baa ŋini fanɛ fo kɔ kenyi.

Kaŋinichiŋgeliŋ 10:2

Enyiashempo be kagbene bee laŋɛ kusɔ nɛ k daga be kewora so nna, ama ewulpo bre be kagbene bee laŋɛ asheŋ nɛ a gbɛto so nna.

Sɔlɔmɔn 4:11

Ma kejafɔ, fo kɔnɔ be kepipe wɔ ebel nna fanɛ mushoŋ. Nɛ fo kudonduloŋ bee wora ma ebel, fanɛ mushoŋ nɛ kenyipochu na. Fo asɔbuuso to be efɛa wɔ ebel nna fanɛ Lebanɔn be ndibi nɛ baa tre sida na be efɛa.

Matiu 10:27

Asɔ nɛ mee kaŋɛ menyi tentembiri to ere, menyeeŋ ba malga amo gbagba kufulbi so, kusɔ kama malɛ nɛ men nu wulo to, men malga amo ashi ebuana be esoso.

Matiu 12:34

Basa lubi fanɛ awɔ ere! Nuso nɛ menyeeŋ tiŋ a la basa lubi le nsaa tiŋ a malga asɔ lela be asheŋ? Men maŋ nyi fanɛ asɔ nɛ a bɔlɔ nyiŋgbasa be kagbene to e naa lar mbe kɔnɔ to a?

Maak 16:15

Nɛ e kaŋɛ bumo: “Men yɔ efuli kikɛ so n ya bɔ kubɔya na n sa kepɔrso kikɛ.

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

2 Timoti 2:2

nseŋ ta mmalga nɛ fo nu ŋ ka bugi to m malga basa damta be anishito na m bɔɔ basa nɛ fo yirda fanɛ bumo alɛ beeŋ tiŋ ŋ ŋini beko enɔ.

Jeems 3:6

To, nyiŋgbasa be kudonduloŋ malɛ gba du fanɛ edɛ nna. K la kusɔbi nna a wɔ esa be kɔnɔ to, ama kumo alɛ kulubi be yiri kikɛ e bɔla kumo to a shin nɛ alubi na bee sɔ mbe eyur kikɛ to a jija mbe kebaawɔtɔ kikɛ nyam. K du fanɛ kudonduloŋ na ka kɔ edɛ nna nɛ edɛ na malɛ shi Setani gbagba kutɔ a chɔɔ basa.