Aŋasa 15:6 - EBƆRƐ BE KAWƆL

⁶ Basa nɛ baa wora asheŋ niŋiso e naa ji bumo be kanya be tɔnɔ. Ama tɔrɔ be saŋɛ belubiworapo bre bee paŋ bumo be kanya nna.

Aŋasa 15:6 ပူးပေါင်းရင်းမြစ်များ

Nshɛ 112:3

Baaŋ nyalɛ nseŋ dii dama; nɛ ekama malɛ e baa nyiŋi bumo ŋkpal bumo be aworbi ka niŋi so.

Nshɛ 37:16

Kebaa kɔ kebaawɔtɔ niŋiso nsaa la etirpo bɔ kebaala damawura nsaa la alubiworapo.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Aŋasa 13:22

Basa lela bee yige kapetɛ nna a yili bumo be kaman to ebi, ama belubiworapo bre bee fin asɔ nna a yili basa nɛ baa wora asheŋ niŋiso.

Aŋasa 15:16

Kebaa la etirpo nsaa ŋana Ebɔrɛ bɔ kedamaya nɛ tɔrɔ.

Aŋasa 15:5

Ewulpo e naa kplaŋ mo tuto nɛ mo nio be keŋini so. Enyiashempo kikɛ bee shin nɛ mo tuto nɛ mo nio bee niŋi mo ekpa nna.

Aŋasa 15:7

Benyiashempo be atuwebi e naa sa basa kenyi, mannɛ bewulpo peya.

Aŋasa 16:8

Kebɔla ekpa niŋiso so n nya asɔ gbrɛ bɔ kebirkɔshi so be kedamaya.

Aŋasa 21:20

Enyiashempo bee ji nna a ka a yili echefoso, ama ewulpo bre bee ji kusɔ nɛ e nya kikɛ nna a loge kachɛ koŋwule.

Aŋasa 3:33

Enyɛnpe Ebɔrɛ na be shoduu wɔ basa lubi pe nna, nɛ mbe nɛfa malɛ wɔ basa lela pe.

Aŋasa 8:21

Mee sa bumo nɛ baa sha ma kedamaya nna nsaa shin nɛ asɔ lela bee bɔlɔ bumo be nwu.

Kaŋinichiŋgeliŋ 4:6

Ama fo ka nya gbrɛ n ji kayurwushiso bɔ fo ka nya ga nsaa maa ji a moɛ. K du nna fanɛ fo ka bee ju a pɛ afu na.

Hibruwebi 11:26

E daa sha kekpal Mesaya na so n ji anishinyɔr ga a chɔ keji Ijipt be damaso be asɔ na, ŋkpal manɛ so, mbe anishi daa yuu tɔnɔ mo nɛ e daa beeŋ nya kachako na so nna.