Aŋasa 15:5 - EBƆRƐ BE KAWƆL

⁵ Ewulpo e naa kplaŋ mo tuto nɛ mo nio be keŋini so. Enyiashempo kikɛ bee shin nɛ mo tuto nɛ mo nio bee niŋi mo ekpa nna.

Aŋasa 15:5 ပူးပေါင်းရင်းမြစ်များ

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

Nshɛ 141:5

Shin nɛ fo basa niŋiso e baa ŋini ma ekpa; ŋ kaŋ wora n foe nɛ b gberge ma kusoe. M maaŋ shin nɛ basa lubi e maŋkura ma kikɛ, ŋkpal manɛ so, mee kule Ebɔrɛ nna a gbiti bumo.

Aŋasa 1:23

Fo daa nu ma kefiɛ so nna, ndafanɛ meeŋ sa fo kasotoji lela nseŋ bugi kagbene n ŋini fo kusɔ nɛ n nyi.

Aŋasa 1:7

Kabɔrɛŋana e la kenyi be sososo. Ewulpo e naa kini kanyiasheŋ be kekoya nɛ kebela be kasogberge.

Aŋasa 10:1

Ewura Sɔlɔmɔn be aŋasa nde: Kebia nyiashempo bee bar mo tuto nɛ mo nio kumu saŋɛ nna, ama kebia wulpo bre bee wɔtɔ bumo ebesa to nna.

Aŋasa 13:1

Kebia nyiashempo kikɛ bee kaŋ kusoe nna a nu mo tuto be keŋini, ama kumukpakpasowura bre maa shuli a sɔ keŋini.

Aŋasa 13:18

Esa kama nɛ e bee kplaŋ keŋini so mo nɛ ketir nɛ anishinyɔr e naa baa la, ama ekama nɛ e bee shuli a sɔ keŋini bre bee nya kemaŋkura nna.

Aŋasa 15:4

Kamalga lela bee sa basa ŋkpa nna, ama efɛ be mmalga bre bee mɔ esa be kiyoyu nna.

Aŋasa 15:6

Basa nɛ baa wora asheŋ niŋiso e naa ji bumo be kanya be tɔnɔ. Ama tɔrɔ be saŋɛ belubiworapo bre bee paŋ bumo be kanya nna.

Aŋasa 19:20

Esa nɛ e bee nu kasotoji nɛ keŋini, bee ki enyiashempo nna.

Aŋasa 25:12

Kenu enyiashempo be kasotoji du fanɛ shuwa be akonde, ŋko abitasɔ nna.

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Taites 1:13

Kashenteŋ be kamalga nna, amoso, baa fiɛ bumo so kenishipereso nɛ b baa wɔ kashenteŋ be yirda na to.

Taites 2:15

Baa ŋini asheŋ ere a leŋ basa na to nsaa ta fo kejuŋkpar be eleŋ kikɛ na a fiɛ bumo so. Sa maŋ shin nɛ esa kikɛ e fɛl fo.