Aŋasa 15:4 - EBƆRƐ BE KAWƆL

⁴ Kamalga lela bee sa basa ŋkpa nna, ama efɛ be mmalga bre bee mɔ esa be kiyoyu nna.

Aŋasa 15:4 ပူးပေါင်းရင်းမြစ်များ

Nshɛ 109:22

N la etirpo nɛ etentaŋasepo nɛ ebesa damta bɔlɔ ma kagbene to nna.

Aŋasa 10:11

Esa lela be mmalga du fanɛ kebuye nna a sa ŋkpa, ama kamɔ be nfɛra lubi e ŋana a wɔ esa lubi be mmalga be kaman.

Aŋasa 12:18

Esa nɛ e maa fɛ nfɛra pɔɛŋ nsaa malga be mmalga bee besa nna fanɛ b ka ŋe esa kasaŋɛ nna, ama enyiashempo be mmalga bre bee wushi ebesa nna.

Aŋasa 15:3

Enyɛnpe Ebɔrɛ be anishi wɔ kaplɛkama nna, a wu kusɔ nɛ basa lubi nɛ belela kikɛ bee wora.

Aŋasa 15:5

Ewulpo e naa kplaŋ mo tuto nɛ mo nio be keŋini so. Enyiashempo kikɛ bee shin nɛ mo tuto nɛ mo nio bee niŋi mo ekpa nna.

Aŋasa 16:24

Kamalga lela du fanɛ mushoŋchu nna a wora basa ebel; nsaa sa eyur be alenfia.

Aŋasa 18:14

Kagbenefuli bee chɛ to nna a sa esa alenfia ashi kulɔ to; fo baŋ paŋ kumo, kumo ere fo tama loge.

Aŋasa 18:8

Ŋkuli wɔ ebel ga; nɛ basa bee sha kumo.

Aŋasa 26:22

Ŋkuli wɔ ebel ga nɛ basa bee sha kumo.

Aŋasa 3:18

Bekama nɛ b kɔ kanyiasheŋ na, be ŋgbene bee fuli bumo nna. Bumo be kanyiasheŋ bee sa bumo ŋkpa tenteŋ nna.

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

1 Timoti 6:3

Esa kama nɛ e kɔ keŋini pɔtɛ a ŋini nsaa maa nu a sa Enyɛnpe Yesu Kristo be kashenteŋ be mmalga na nɛ kashenteŋ be abɔrɛsheŋ be kebaawɔtɔ nɛ k daga fanɛ an baa wɔtɔ na la esa nɛ kamoowu tan nna nɛ e maŋ nyi shɛŋ.

Kelaraŋŋini 2:7

Ekama nɛ e kɔ asoe, e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo ekpa nɛ e ji ŋkpa be kedibi nɛ k wɔ Ebɔrɛ be kakpa lela nɛ baa tre ndoŋ Paradisi to na be kusɔrso na.’ ”