Aŋasa 15:30 - EBƆRƐ BE KAWƆL

³⁰ Kenishitosaŋɛ bee bar kagbenefuli nna, nɛ baru lela bee shin nɛ esa be ŋkpa bee ba mo abar so.

Aŋasa 15:30 ပူးပေါင်းရင်းမြစ်များ

Ɛzra 9:8

Ama, O Enyɛnpe anyi be Ebɔrɛ, jemanɛ gbrɛbi nɛ k choŋ ere fo wu anyi kuwɔr nseŋ shin nɛ anyi be beko kra wɔ ŋkpa to ashi fo kakpa cheembi ere. Fo lara anyi kenyaya to nseŋ sa anyi ŋkpa popɔr.

Nshɛ 89:15

O Enyɛnpe Ebɔrɛ, kagbenefuli la bekama nɛ baa bugi ŋgbene to a bunyaŋ fo nsaa wɔ fo kefultogboŋ na to na peya nna.

Aŋasa 12:25

Kafɔŋ beeŋ tiŋ n shin nɛ fo paŋ kagbenefuli, ama kamalga lela bee leŋ basa to nna.

Aŋasa 13:9

Basa cheembi du fanɛ kefulto nɛ k bee nyaŋɛ nsaa nyɛkpɛ saŋkama nna, ama basa lubi bre du fanɛ fitila nɛ k bee mɔrɛ a shin nɛ k duŋ nna.

Aŋasa 15:29

Enyɛnpe Ebɔrɛ na maa nu basa lubi be kabɔrɛkule, basa nɛ baa wora asheŋ niŋiso peya nɛ E bee nu.

Aŋasa 15:31

Enyiashempo e naa nu kasotoji.

Aŋasa 17:22

Kebaa du wasawasa bee teŋi esa be ŋkpa so nna; ama saŋkama be kenishitogbir bee ku esa be ŋkpa so manaŋ manaŋ nna.

Aŋasa 25:25

Baru lela nɛ k shi kufɔ bee wushi kagbene nna, fanɛ kananɛ nchu wushiso bee wushi eyur na.

Aŋasa 3:8

Nɛ fo baa wora loŋ, k beeŋ baa du fanɛ kudur lela nna a chɛ fo, nsaa wushi fo eyur to be ebesa.

Kaŋinichiŋgeliŋ 11:7

Shɛŋ maŋ walɛ kenishiso a chɔ kachipurso be epeŋi.

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

Kelaraŋŋini 22:5

Kanyɛ maaŋ naa wɔ ndoŋ. Fitila be kefulto ŋko epeŋi be kefulto be asheŋ maaŋ naŋ tir bumo, ŋkpal manɛ so, Enyɛnpe Ebɔrɛ e naaŋ baa sa bumo kefulto. Bumo alɛ beeŋ ji kuwura mbaanaayɔ.