Aŋasa 15:3 - EBƆRƐ BE KAWƆL

³ Enyɛnpe Ebɔrɛ be anishi wɔ kaplɛkama nna, a wu kusɔ nɛ basa lubi nɛ belela kikɛ bee wora.

Aŋasa 15:3 ပူးပေါင်းရင်းမြစ်များ

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

Job be kawɔl 24:23

Ebɔrɛ beeŋ tiŋ n shin nɛ b baa wɔtɔ fanɛ shɛŋ ka maaŋ tiŋ n wora bumo na, ama mo alɛ be anishi wɔ bumo so jemanɛ kikɛ nna.

Job be kawɔl 28:24

Ŋkpal manɛ so, mo e naa wu kusɔ kama nɛ k wɔ kasawule so.

Job be kawɔl 31:4

Mo alɛ nyi kusɔ kama nɛ mee wora, nsaa wu keya kama nɛ mee tia.

Nshɛ 33:13

Enyɛnpe Ebɔrɛ na wɔ ebɔrɛso nna a wu basa kikɛ.

Aŋasa 15:4

Kamalga lela bee sa basa ŋkpa nna, ama efɛ be mmalga bre bee mɔ esa be kiyoyu nna.

Aŋasa 5:21

Enyɛnpe Ebɔrɛ na bee wu kusɔ kama nɛ fee wora. Kaplɛkama nɛ fee yɔ e bee wu fo.

Jɛremaya 16:17

Mee wu kusɔ kama nɛ baa wora nɛ shɛŋ maŋ ŋana ma so. Bumo be alubi maa baŋ ma kenishi so.

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.