Aŋasa 15:18 - EBƆRƐ BE KAWƆL

¹⁸ Esa nɛ e bee nya agbo manaŋ manaŋ kikɛ bee bar kolu nna, ama enyitipo bre bee kuŋ kolu nna.

Aŋasa 15:18 ပူးပေါင်းရင်းမြစ်များ

2 Samuɛl 19:43

Nɛ Israɛlebi na malɛ kaŋɛ le: “Hale nɛ menyi nɛ ewura Deevid la kukoŋwule gba, ŋkpal an ka la nnaŋ kudu so, an kɔ mo so eleŋ alɛ kudu a chɔ menyi. Amoso manɛ nna nɛ menyee keni anyi jiga? Men sa maŋ teŋ so fanɛ anyi e daŋ kenya nfɛra fanɛ anyeeŋ ya keta ewura na m ba!” Ama Juda be basa na daŋ nyaŋɛto na ga m malga m pɔɔ Israɛl be basa na so.

Aŋasa 10:12

Kekishi bee bar kamɔrɔji nɛ kebagato nna, ama kasha bre bee kplaŋ aworandeso kikɛ so nna.

Aŋasa 14:29

Enyitipo e la enyiashempo. Esa nɛ e bee nya agbo manaŋ manaŋ bee shin nɛ mbe kawulisheŋ bee dii efuli nna.

Aŋasa 15:1

Kɔnɔ belbelso bee ju agbo nna, ama kɔnɔ nyaŋnyaŋso bre bee kaa agbo nna.

Aŋasa 15:19

Etɔlpo be ekpa to e kɔ ewi, ama esa nɛ e bee wora alela bre be ekpa to du fanɛ kegbembi nna.

Aŋasa 16:14

Ewura be agbo du fanɛ luwu be kabɔ nna, enyiashempo e naŋ tiŋ n shin nɛ k wushi.

Aŋasa 16:28

Esa nɛ e bee ku asheŋ bee bar kebagato nna nɛ esa nɛ e bee sha ŋkuli malɛ bee ku beteri kpakpaso to.

Aŋasa 22:24

Saa maa ji basa nɛ baa nya agbo manaŋ manaŋ kenekpa,

Aŋasa 25:15

Kenyiti nɛ kɔnɔ lela e naŋ tiŋ n shin nɛ ewura e chɛrga mbe nfɛra nseŋ shuli n sɔ kusɔ nɛ fee kaŋɛ mo na.

Aŋasa 26:21

Kananɛ ndibi nɛ ajanwulɛ bee shin nɛ edɛ bee nyɛrga na, aloŋ nɛ elushapo bee keta kolu to a chɛr.

Aŋasa 28:25

Bejimunipo bee baga asheŋ to nna, ama asheŋ beeŋ nite nɛnɛ n sa esa kama nɛ e ta mbe yirda n deŋi Enyɛnpe Ebɔrɛ so.

Aŋasa 29:22

Esa nɛ e bee nya agbo manaŋ manaŋ bee bar kebagato nna, nsaa wora a foe ekpa manaŋ manaŋ.

Kaŋinichiŋgeliŋ 10:4

Hale ewurjipo nya agbo n wɔtɔ fo gba, sa maŋ kaŋ kini kushuŋ nɛ fee shuŋ a sa mo na. Fo kewushi kagbene m bar fo kumu kaseto beeŋ tiŋ n shin nɛ e ta fo kewora n jija na m paŋ fo.

Matiu 5:9

Kagbenefuli la bekama nɛ baa bar kagbenewushi basa so na peya nna, ŋkpal manɛ so, Ebɔrɛ beeŋ tre bumo mbe mbia.