Aŋasa 14:8 - EBƆRƐ BE KAWƆL

⁸ Enyiashempo be kanyiasheŋ e naa ŋini mo ekpa, ama ewulpo bre be kawuli bee fule mo nna n ya kaa lɛ.

Aŋasa 14:8 ပူးပေါင်းရင်းမြစ်များ

Nshɛ 111:10

Men baa bunyaŋ Enyɛnpe Ebɔrɛ na, ŋkpal manɛ so, ekpa nɛ esa beeŋ bɔla so n nya kanyiasheŋ nna na. Bekama nɛ baa bɛ mbe mbraana so na e naa pin asheŋ to nɛnɛ. Kapandi e baa la mo peya mbaanaayɔ.

Nshɛ 119:5

Ekpa kikɛ so, n daa sha ketiŋ m bɛ fo mbraana so kashenteŋto nna!

Nshɛ 119:73

Fo e to ma nseŋ bela ma eyur n chuge abar so; sa ma kanyiasheŋ nɛ ŋ koya fo mbraana na.

Nshɛ 143:8

Ŋkpal ŋ ka ta ma yirda n deŋi fo so so, shin nɛ m baa nyiŋi fo kasha nɛ k maa loge na be asheŋ kachipurso kikɛ. Mee kule fo nna nɛ fo ŋini ma ekpa nɛ meeŋ baa bɔla so a wora asheŋ.

Aŋasa 11:18

Belubiworapo maa nya tɔnɔ kikɛ, ama esa nɛ e bee wora kelela bre maaŋ paŋ kumo be tɔnɔ kikɛ.

Aŋasa 12:5

Beshenteŋjipo bee wora asheŋ nɛ amo be ekpa so nna, ama belubiworapo bre bee fule basa nna.

Aŋasa 15:21

Kawulisheŋ bee fuli ewulpo kagbene nna, ama enyiashempo bre bee wora asheŋ niŋiso nna.

Aŋasa 2:9

Nɛ fee nu ma mmalga, feeŋ pin kusɔ nɛ k walɛ nɛ kusɔ nɛ k niŋi ekpa nɛ kusɔ nɛ k daga fanɛ fo baa wora.

Aŋasa 8:20

Ekpa niŋi so, nɛ kebaaji asheŋ nɛ amo be ekpa so be ekpa nɛ m bɔ.

Kaŋinichiŋgeliŋ 2:13

Ade kikɛ be kaman nɛ m pin fanɛ “Kanyiasheŋ walɛ a chɔ kawulisheŋ fanɛ kananɛ kefulto walɛ a chɔ tentembiri na.

Kaŋinichiŋgeliŋ 2:16

Esa kama maa nyiŋi benyiashempo nɛ bewulpo be asheŋ. K maaŋ chɛr nɛ b teŋ an kikɛ so. Bewulpo nɛ benyiashempo kikɛ beeŋ wu kachako.

Jɛremaya 13:20

Jerusalɛm, to kenishi ŋ keni, fo doŋana e shi kelargato be esoso be kaba so a ba na! Nnɛ nɛ basa nɛ fee keni so nsaa kpal bumo so a wu fo kumu na naa wɔ?

1 Kɔrintebi 3:19

Ŋkpal manɛ so, durnya ere to be kanyiasheŋ la kawulisheŋ nna ashi Ebɔrɛ be anishito. Loŋ nɛ abɔrɛsibɛ na malɛ bee kaŋɛ na fanɛ: “Ebɔrɛ bee kaa ta benyiashempo gbagba be kanyiasheŋ be aworbiana nna a pɛ bumo.”

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Ɛfesesebi 5:17

Amoso, men sa maa la bewulpo. Men baa wora ania a pin kusɔ nɛ Enyɛnpe bee sha fanɛ an baa wora.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

Jeems 3:13

Menyi to be emo e kɔ kanyiasheŋ nsaa nyi ashuŋ to? Amodoŋwura e ta mbe kebaawɔtɔ lela a du boeŋ nsaa wora asheŋ nɛ a daga.