Aŋasa 14:6 - EBƆRƐ BE KAWƆL

⁶ Shiaworapo maaŋ tiŋ n nya kanyiasheŋ kikɛ ama lakalwura bre bee nya kenyi manaŋ manaŋ nna.

Aŋasa 14:6 ပူးပေါင်းရင်းမြစ်များ

Nshɛ 119:18

Bugi ma nfɛra to nɛ n tiŋ m pin emamachisheŋ nɛ e wɔ fo mbra to.

Aŋasa 1:5

A bee sa benyiashempo kenyi nna a ti so, nsaa chɛ bekoyapo to nɛ baa tiŋ a lara asɔ nɛ a daga kewora;

Aŋasa 14:5

Kashenteŋ be shɛdajipo maa fule, ama efɛ be shɛdajipo bre be kamalga kikɛ la efɛ nna.

Aŋasa 14:7

Sa maa tu bewulpo a wora asheŋ, ŋkpal manɛ so fo maaŋ tiŋ n nya kanyiasheŋ bumo kutɔ.

Aŋasa 15:12

Esa nɛ e bee wora basa eyurto kikɛ maa sha keŋini, amoso mo alɛ maaŋ yɔ enyiashempo kutɔ n ya fin kasotoji.

Aŋasa 17:16

Amansherbi be kejija a laŋɛ ewulpo be kekoya so maŋ kɔ tɔnɔ, ŋkpal manɛ so ewulpo maaŋ tiŋ ŋ koya shɛŋ.

Aŋasa 17:24

Enyiashempo kikɛ bee pin kusɔ nɛ k daga kewora nna; ama ewulpo bre maa tiŋ a yili mbe nfɛra kukoŋwule.

Aŋasa 18:2

Ewulpo e naa kini asheŋ be kepin to, nsaa kaŋɛ fanɛ mo nawule be nfɛra e walɛ.

Aŋasa 24:7

Ewulpo maaŋ tiŋ m pin kanyiasheŋ be mmalga to. B baa malga kenishipere be mmalga ewulpo maŋ kɔ shɛŋ a kaŋɛ.

Aŋasa 26:12

Ewulpo bɔ esa nɛ e bee tre mbe kumu enyiashempo, mo alɛ nseŋ wuli.

Aŋasa 8:8

Kusɔ kama nɛ ŋ kaŋɛ la kashenteŋ nna, efɛ ŋko kafulesheŋ kikɛ maŋ wɔ kumo to.

Aŋasa 8:9

K baŋ di efuli nna n sa esa kama nɛ e bee pin asheŋ to, nseŋ bugi to n sa esa nɛ e kɔ kenyi.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Jɛremaya 8:9

Menyi be benyiashempo ka kini ma, Enyɛnpe Ebɔrɛ na be kamalga so, baaŋ ji anishinyɔr nseŋ wulto to e maaŋ naa nyi asheŋ.

1 Kɔrintebi 8:2

Esa baa fɛ fanɛ e nyi kusɔ ko, kumo ere e maŋ naŋ pin kusɔ na to fanɛ kananɛ k daga fanɛ e baa nyi kumo.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.