Aŋasa 13:4 - EBƆRƐ BE KAWƆL

⁴ Etɔlpo bee yɛlga kusɔ gba, jiga nna, e maaŋ tiŋ n nya kumo, ama esa kama nɛ e bee pere kenishi a shuŋ bre beeŋ tiŋ n nya kusɔ kama nɛ e bee sha.

Aŋasa 13:4 ပူးပေါင်းရင်းမြစ်များ

Jɛnesis 26:32

Kumo be kamɔnchɛ na gbagba nɛ Aizek be nyɛrbi ba kaŋɛ mo ketirbu ko nɛ b kur be asheŋ. B yɛ: “An nya nchu.”

Nshɛ 92:14

Baaŋ baa du fanɛ ndibi nɛ e bel nseŋ kraa kɔ eleŋ a sɔr asɔrso.

Aŋasa 10:4

Ntɔl bee bar esa ketir nna, ama kepere kenishi n shuŋ bre bee shin nɛ esa bee dii dama nna.

Aŋasa 11:25

Fo baa bugi enɔ a kɛ feeŋ dii dama. Chɛ beko to nɛ beko malɛ e chɛ fo to.

Aŋasa 12:11

Bedɔpo nɛ b pere kenishi a shuŋ maaŋ paŋ kusɔ jiso kikɛ, ewulpo e naa jija saŋɛ a bɛ asheŋ fuloŋ so.

Aŋasa 12:24

Basa nɛ baa pere kenishi a shuŋ e naŋ ji kuwura; ntɔl bre bee ta esa nna a ki kenya.

Aŋasa 12:27

Etɔlpo maa nya kusɔ nɛ e bee sha kikɛ, ama esa nɛ e bee pere kenishi a shuŋ bre beeŋ pɛ mbe anishi be kabuibi.

Aŋasa 13:3

Esa nɛ e bee tiŋ a keta mbe kudonduloŋ beeŋ kuŋ mbe ŋkpa, ama esa nɛ mbe kɔnɔ maŋ kɔ kemɔrɛbi bee mur mbe kumu nna.

Aŋasa 13:5

Esa cheembi kikɛ kishi kafulesheŋ nna, ama basa lubi bre be aworbi bee bar bumo anishinyɔr nɛ nyɔmu nna.

Aŋasa 20:4

Edɔpo tɔlpo nɛ e maa dɔ saŋɛ nɛ k daga maa nya adɔjibi.

Aŋasa 21:25

Etɔlpo nɛ e maa sha kushuŋ, be asɔ shaso bee yɛr mo luwu to nna,

Aŋasa 21:5

Kewushi eyur ŋ kre asheŋ pɔɛŋ nseŋ wora amo bee bar tɔnɔ nna, ama brembreŋ be kasheŋwora bee bar ketir nna.

Aŋasa 24:30

Ŋ ka bɔla ewulpo tɔlpo be ndɔ nɛ mbe ndibi sɔrso be dɔkar,

Aŋasa 24:31

nɛ afitiri nɛ ewi sɔ kudɔ na kikɛ, nɛ ajembu be egbal nɛ e pɔr ŋ kulti kumo na kikɛ tɔr.

Aŋasa 26:13

Etɔlpo e naa kaŋɛ fanɛ buluŋ wɔ ekpa to so e maaŋ yɔ ndɔ to.

Aŋasa 28:25

Bejimunipo bee baga asheŋ to nna, ama asheŋ beeŋ nite nɛnɛ n sa esa kama nɛ e ta mbe yirda n deŋi Enyɛnpe Ebɔrɛ so.

Aŋasa 6:6

Betɔlpo, men keni kananɛ atutulombi bee wora asheŋ so, ŋ koya kebaawɔtɔ.

Aŋasa 8:34

Bekama nɛ baa ba ma laŋ to m ba kaa chena ma kabuna to, a jo a nu ma mmalga na be ŋgbene beeŋ fuli bumo.

Sɔlɔmɔn 5:3

Ma ere teŋ wora shiriya nɛ n dese nna, manɛ nna nɛ n naa ta ma asɔ a buu? N tiŋ n fɔr ma aya nna, n naaŋ shin nɛ a wora eyurpi a?

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Nɔmbɛs 23:10

Wanɛ e naŋ tiŋ ŋ karga Israɛlebi nɛ b shi m baŋ so ere? Shin nɛ ma lalaloge be nchɛ e baa du fanɛ Ebɔrɛ be basa peya. Shin nɛ n wu fanɛ esa niŋiso.”

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

Hibruwebi 6:11

To, loŋ gbagba na nɛ anyee sha fanɛ menyi be ekama e baa kraa pere kenishi a du n ya fo ekar na, saŋɛ na so, asɔ nɛ menyee tama na beeŋ bɔla ekpa.

Joshuwa 7:3

B ka wora loŋ na nɛ b bɛta n ya kaŋɛ Joshuwa le: “K maŋ daga fanɛ Israɛl be benapo na kikɛ ka ya kɔ Aiebi na. Shuŋi basa ŋgboŋ anyɔ ŋko ŋgboŋ asa nawule. Sa maŋ shin nɛ benapo na kikɛ e yɔ kena na to, ŋkpal manɛ so kade na maŋ la kadegboŋ, nɛ kumo to be basa malɛ gba maŋ shi.”