Aŋasa 13:3 - EBƆRƐ BE KAWƆL

³ Esa nɛ e bee tiŋ a keta mbe kudonduloŋ beeŋ kuŋ mbe ŋkpa, ama esa nɛ mbe kɔnɔ maŋ kɔ kemɔrɛbi bee mur mbe kumu nna.

Aŋasa 13:3 ပူးပေါင်းရင်းမြစ်များ

Nshɛ 141:3

O Enyɛnpe Ebɔrɛ, chɛ ma to, nɛ jemanɛ kikɛ nɛ meeŋ bugi ma kɔnɔ, meeŋ baa de mmalga nɛ a beeŋ lar kumo to so.

Nshɛ 34:13

Kumo ere men sa maa tuge malga lubi, ŋko n shin nɛ men be nnɔ e baa ku efɛ.

Nshɛ 39:1

Ŋ kaŋɛ fanɛ meeŋ baa de so, nɛ ma kudonduloŋ maaŋ wora alubi. N yɛ, meeŋ kre ma kɔnɔ so, saŋɛ nɛ ma nɛ basa lubi wɔtɔ na.

Aŋasa 10:14

Enyiashempo bee fin kenyi nna a ti so saŋkikɛ, ama ewulpo be mmalga e naa da mo a lɛ.

Aŋasa 10:19

Fo baa malga ga fo maa kra malga a foe. Nɛ fo nyi asheŋ fo maaŋ baa malga ga.

Aŋasa 10:8

Basa nɛ b kɔ lakal bee sɔ kasotoji nna, ama basa nɛ baa malga kawuliso bre maa chɛr nsaa tɔr.

Aŋasa 12:13

Belubiworapo gbagba be mmalga e naa kilgi a kre bumo, ama beshenteŋjipo bre bee lara bumo be amu asheŋ to nna.

Aŋasa 13:4

Etɔlpo bee yɛlga kusɔ gba, jiga nna, e maaŋ tiŋ n nya kumo, ama esa kama nɛ e bee pere kenishi a shuŋ bre beeŋ tiŋ n nya kusɔ kama nɛ e bee sha.

Aŋasa 14:3

Ewulpo be kamoowu be mmalga bee bar mo kasogberge nna, ama enyiashempo bre be kɔnɔ bee mɔlga mo nna.

Aŋasa 18:21

Atugebi beeŋ tiŋ m mɔ esa, ŋko n sa mo ŋkpa; Esa kama malɛ beeŋ nya mbe m malga be kakɔka.

Aŋasa 18:7

Ewulpo be mmalga e naa ki fanɛ efɔl a kre mo, nɛ mbe atuwebi malɛ bee gberge mo a wɔtɔ asheŋ to.

Aŋasa 20:19

Esheŋjipo kikɛ maŋ tiŋ ŋ keta ashiri, amoso baa gelge mo.

Aŋasa 21:23

Esa kama nɛ e bee tiŋ a keta mbe kɔnɔ nɛ kudonduloŋ, bee mɔlga mbe kumu ashi asheŋ lubi nɛ tɔrɔ to nna.

Jeems 1:26

Esa kama nɛ e yɛ e bee bɛ Ebɔrɛ so nsaa maa de mmalga nɛ a bee lar mbe kɔnɔ to so bee fule mbe kumu nna, nɛ mbe kebɛso na malɛ la kebɛso fuloŋ.

Demujipoana 16:11

Nɛ Samsɔn kaŋɛ: “Nɛ b baŋ ta amamprɔŋ popɔr nɛ b maŋ naŋ ta n wora shɛŋ ŋ kre ma kpakpa, ma eleŋ beeŋ lar ma to nɛ ŋ ki fanɛ dimɛdi kikɛ.”

Demujipoana 16:17

nɛ e gben ŋ kaŋɛ mo kashenteŋ na. E yɛ: “B ka kurge ma kikɛ b maŋ naŋ she ma emin ere. Ŋkpal manɛ so, n la Nazarin be esa nna nɛ b ta ma m bɔɔ Ebɔrɛ enɔ. Kachɛ nɛ b baaŋ she ma emin ere nɛ ma alɛ be eleŋ beeŋ lar ma to nɛ ŋ ki esa pɔso fanɛ dimɛdi kikɛ.”