Aŋasa 13:21 - EBƆRƐ BE KAWƆL

²¹ Kumu lubi e ju a buu alubiworapoana so, ama basa nɛ baa wora asheŋ niŋiso bre be kakɔka la kumulela nna.

Aŋasa 13:21 ပူးပေါင်းရင်းမြစ်များ

Nshɛ 32:10

Belubiworapo beeŋ luri awurfoŋ be yiri yiri to. Ama Enyɛnpe Ebɔrɛ na beeŋ ta mbe kasha nɛ k maa loge na ŋ kuŋ basa nɛ b yirda mo na bre.

Aŋasa 13:13

Esa nɛ e bee kini kasotoji lela bee wɔtɔ mbe kumu tɔrɔ to nna, ama emo nɛ e bee shuli a sɔ kasotoji bre bee nya kumo be tɔnɔ nna.

Nshɛ 140:11

Sa maŋ shin nɛ basa nɛ baa ku asheŋ a deŋi beko e nya kusɔ nɛ baa sha kasawule ere so kikɛ. Shin nɛ asheŋ lubi e ba basa nyaŋnyaŋso so m mur bumo cheche.

Nɔmbɛs 32:23

Ama nɛ men baa maŋ bɛ men be kɔnɔ naseso ere so bre, menyeeŋ wora alubi ŋ gbiti Enyɛnpe Ebɔrɛ na nsaa beeŋ nya kumo be kasogberge.

Jɛnesis 4:7

Fo maŋ nyi fanɛ fo daŋ wora nɛnɛ nna asheŋ daŋ beeŋ nyalɛ n sa fo a? Ama ŋkpal fo ka maŋ wora nɛnɛ so, kulubi du fanɛ buluŋ nna a tɛ fo nɛ k jija fo, amoso wora ania m pɔɔ kumo so.”

Ashuŋ Shunso 28:4

Kepla na so be basa na ka wu kuwɔ na ka chul Pɔɔl be enɔ so nɛ b kaŋɛ abar: “Kanyɛn ere la emɔpo nna, k maŋ kɔ emɔrɔ. E tiŋ n lar nchu na to nɛ alenfia, ama kashenteŋ be ekpa so be ebɔrɛ na maaŋ yige mo nɛ e baa kraa wɔtɔ.”

Nshɛ 54:5

Feeŋ gberge ma doŋana kusoe, ŋkpal bumo be alubi nɛ b wora so. Feeŋ mur bumo ŋkpal fo kashenteŋji so.

Aŋasa 11:31

Nɛ basa lela bee nya kelela be kakɔka durnya ere to, kumo ere kashenteŋto, basa lubi gba beeŋ nya kasogberge.

Aŋasa 17:13

Fo baa ta kulubi a ka kelela be kukɔ, alubi maaŋ lar fo laŋ to kikɛ.

Aizaaya 47:11

Ama kumulubi gboŋgboŋi beeŋ ba menyi so, Kegbaya damta nɛ men yirda na be kekama maaŋ tiŋ ŋ kuŋ kumo. Kemur cheche nɛ menyee maa ku kumo be edare beeŋ ba purgi menyi epul to!

Aŋasa 24:16

Basa niŋiso bee tɔr alɛ damta nsaa koso ama tɔrɔ baŋ ba alubiworapo bre so nɛ e tɔr kela koŋwule gba e maaŋ naŋ tiŋ n niŋi to kikɛ.

Ezikɛl 7:5

Le nɛ Enyɛnpetale Ebɔrɛ na bee kaŋɛ: “Aleblawu nɛ ekama maŋ naŋ nu kumo be asheŋ bee ba!