Aŋasa 13:18 - EBƆRƐ BE KAWƆL

¹⁸ Esa kama nɛ e bee kplaŋ keŋini so mo nɛ ketir nɛ anishinyɔr e naa baa la, ama ekama nɛ e bee shuli a sɔ keŋini bre bee nya kemaŋkura nna.

Aŋasa 13:18 ပူးပေါင်းရင်းမြစ်များ

Nshɛ 141:5

Shin nɛ fo basa niŋiso e baa ŋini ma ekpa; ŋ kaŋ wora n foe nɛ b gberge ma kusoe. M maaŋ shin nɛ basa lubi e maŋkura ma kikɛ, ŋkpal manɛ so, mee kule Ebɔrɛ nna a gbiti bumo.

Aŋasa 12:1

Ekama nɛ e bee sha keniŋi bee nya kenyi nna. Ama ekama nɛ e kishi keniŋi la ewulpo nna.

Aŋasa 13:13

Esa nɛ e bee kini kasotoji lela bee wɔtɔ mbe kumu tɔrɔ to nna, ama emo nɛ e bee shuli a sɔ kasotoji bre bee nya kumo be tɔnɔ nna.

Aŋasa 13:19

Kenya kusɔ nɛ esa bee sha wɔ ebel nna nsaa wushi kagbene. Bewulpo nawule e naa kini kechɛrga ashi alubi to.

Aŋasa 13:25

Basa niŋiso kɔ ajibi saŋkikɛ nna a ji, ama belubiworapo bre nɛ akoŋ e wɔ aya.

Aŋasa 15:5

Ewulpo e naa kplaŋ mo tuto nɛ mo nio be keŋini so. Enyiashempo kikɛ bee shin nɛ mo tuto nɛ mo nio bee niŋi mo ekpa nna.

Aŋasa 19:6

Ekama beeŋ ba sha keji esagboŋ, ŋko esa nɛ e beeŋ tiŋ n chɛ mo to keteri.

Aŋasa 25:12

Kenu enyiashempo be kasotoji du fanɛ shuwa be akonde, ŋko abitasɔ nna.

Aŋasa 9:9

Kusɔ kama nɛ fo kaŋɛ enyiashempo, bee sa mo kanyiasheŋ nna a ti so. Kusɔ kama malɛ nɛ fo kaŋɛ basa nɛ baa wora asheŋ niŋiso, bee sa bumo kenyi nna a ti so.

Kaŋinichiŋgeliŋ 7:5

Eyiashempo baa kpele fo kusoe, k bɔ ewulpo ka bee boŋ nshɛ a kpaŋ fo.

Jɛremaya 3:25

Amoso men shin nɛ an ta anishinyɔr n dese nɛ anyi be ŋaba e baa buu anyi so. Anyi nɛ an nananyɛnana kikɛ wora alubi ŋ gbiti Enyɛnpe anyi be Ebɔrɛ na. Anyi alɛ maŋ bɛ mbe mmalga naseso so.”

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!