Aŋasa 13:13 - EBƆRƐ BE KAWƆL

¹³ Esa nɛ e bee kini kasotoji lela bee wɔtɔ mbe kumu tɔrɔ to nna, ama emo nɛ e bee shuli a sɔ kasotoji bre bee nya kumo be tɔnɔ nna.

Aŋasa 13:13 ပူးပေါင်းရင်းမြစ်များ

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Ɛzra 10:3

To, men shin nɛ an nase kɔnɔ fanɛ anyeeŋ yige loŋ be beche na nseŋ lara bumo nɛ bumo be mbia be asheŋ ashi anyi be asheŋ to nseŋ wora asheŋ fanɛ kananɛ fo nɛ bekama nɛ baa ŋana Ebɔrɛ bee kaa ji anyi asoe to a kaŋɛ na, saŋɛ na so anyeeŋ wora asheŋ m bɛ Ebɔrɛ be mbra na so.

Nshɛ 115:13

E beeŋ nɛfa bekama nɛ baa bunyaŋ mo na; bewurjipo nɛ bebɔlpo kikɛ.

Nshɛ 119:165

Bekama nɛ baa sha fo mbraana na bee nya kayurwushi gboŋgboŋi nna; shɛŋ shɛŋ maaŋ tiŋ n shin nɛ b fiti n tɔr kikɛ.

Nshɛ 19:11

Enyɛnpe be mbra na bee kpele basa kusoe nna. Basa nɛ baa bɛ amo so bee nya tɔnɔ gboŋgboŋi nna.

Nshɛ 19:12

Esa kikɛ maaŋ tiŋ m pin alubi nɛ e wora kikɛ. Ta ma alubi nɛ m maŋ kute n wora na m paŋ ma.

Ɛksodɔs 9:20

Ndoŋ nna nɛ Fɛɛro be beyaasepo nɛ b daŋ yirda Enyɛnpe Ebɔrɛ be kamalga na nya manaŋ n shin nɛ bumo be anya nɛ asɔbɔya kikɛ shile n luri ebu to.

Aŋasa 1:25

Fo kplaŋ ma kasotoji kikɛ so, nseŋ kini fanɛ fo maaŋ shin nɛ n niŋi fo ekpa.

Aŋasa 13:12

Tama nɛ k bee chɛr pɔɛŋ nsaa ba bee shin nɛ esa be aba bee pɔ mo nna, ama esa baa nya kusɔ nɛ e bee fin, k bee bar mo kagbenefuli nna.

Aŋasa 13:21

Kumu lubi e ju a buu alubiworapoana so, ama basa nɛ baa wora asheŋ niŋiso bre be kakɔka la kumulela nna.

Aŋasa 16:20

Asheŋ bee nite nɛnɛ nna a sa esa kama nɛ e bee kaŋ kusoe a nu keŋini, nɛ Enyɛnpe Ebɔrɛ malɛ bee nɛfa esa kama nɛ e ta mbe yirda n deŋi mo so.

Aŋasa 19:16

Bɛ Ebɔrɛ be mbra so nseŋ ji efute n chɛr. Fo kplaŋ amo so feeŋ wu manaŋ.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Jɛremaya 43:2

nɛ Hoshaya pibinyɛn, Azariya nɛ Kerii pibinyɛn, Johanan nɛ basa kpeŋso na be beko kaŋɛ ma le: “Efɛ nɛ fee ku! Enyɛnpe, anyi be Ebɔrɛ na maŋ shuŋi fo fanɛ fo ba kaŋɛ anyi fanɛ an sa maŋ ya chena Ijipt be efuli so.

Ezikɛl 20:13

Ama Israɛl be basa na lar ma kaman keshishɛrsawule na so ndoŋ, nseŋ kini kebɛ ma mbraana nɛ keŋini nɛ a bee shin nɛ esa bee bii kebaawɔtɔ lela na so. Bumo alɛ nseŋ keni ma Kewushiachɛ na jiga. Amoso nɛ n daŋ kaŋɛ fanɛ meeŋ shin nɛ ma agbo e ba bumo so nɛ m mur bumo ashi keshishɛrsawule na so na.

Ezikɛl 20:16

Ŋkpal manɛ so, b kini kebɛ ma mbraana nɛ ma keŋini so nseŋ keni ma Kewushiachɛ na jiga, nɛ bumo be ŋgbene kikɛ malɛ daa wɔ bumo be agbirana na so a chɔ ma.

Ezikɛl 20:24

Ŋkpal manɛ so, b daŋ kini kebɛ ma mbraana nɛ atande so nsaa maŋ ta ma Kewushiachɛ na n tre sheŋ nna. Bumo tutoana be agbirana e daŋ bɔlɔ bumo kenishi ga nɛ b daa shuŋ amo.

Malakai 3:16

Ndoŋ nna nɛ bekama nɛ baa ŋana Enyɛnpe Ebɔrɛ na bee malga kumo be asheŋ nɛ Enyɛnpe na nu kusɔ nɛ b kaŋɛ na kikɛ nseŋ shin nɛ b sibɛ bumo nɛ baa ŋana mo nsaa sa mo bunyaŋ na be atre n wɔtɔ kawɔl to n nase kanyiŋi so.

Nɔmbɛs 15:31

Ŋkpal amodoŋwura ka kini kenu n sa Enyɛnpe Ebɔrɛ na nseŋ kute n wora n da mbe mbra na so so, men ju mo nɛ e maŋ naa wɔ mbe basa to. Mo alɛ be kulubi beeŋ bɛ mo gbagba be kumu so.”

Matiu 5:12

Men shin nɛ men be ŋgbene e baa fuli menyi ga a par menyi, ŋkpal manɛ so, tɔnɔ nɛ k jo menyi ebɔrɛso na shi ga. Loŋ koŋwule na nɛ basa daŋ tɔrɔ anebiana nɛ b daŋ juŋkpar menyi na.”

Luuk 16:31

Nɛ Eebraham kaŋɛ mo: ‘Nɛ b baŋ kini kenu asheŋ nɛ Mosis nɛ anebiana na bee malga na, kumo ere baa nyi fanɛ nɛ esa shi luwu to n ya kaŋɛ bumo gba, b maaŋ nu.’ ”

2 Jɔn 1:8

Amoso, men baa de so n sa maŋ paŋ kusɔ nɛ men kpal kumo so n shuŋ na, ama men wora ania n nya men be tɔnɔ kikɛ nyam.