Aŋasa 13:1 - EBƆRƐ BE KAWƆL

¹ Kebia nyiashempo kikɛ bee kaŋ kusoe nna a nu mo tuto be keŋini, ama kumukpakpasowura bre maa shuli a sɔ keŋini.

Aŋasa 13:1 ပူးပေါင်းရင်းမြစ်များ

1 Bewura 22:43

Ewura Jehoshafat daŋ bɛ mo tuto Asa be aya so nna n wora kusɔ nɛ k walɛ Enyɛnpe Ebɔrɛ be anishito. Ama e daŋ maŋ jija mboŋ nɛ baa shuŋ nnyamase be agbirana na nɛ basa na kraŋ nya ekpa a lara esarga nsaa chɔɔ eduwu ndoŋ.

Aŋasa 10:1

Ewura Sɔlɔmɔn be aŋasa nde: Kebia nyiashempo bee bar mo tuto nɛ mo nio kumu saŋɛ nna, ama kebia wulpo bre bee wɔtɔ bumo ebesa to nna.

Aŋasa 12:15

Ewulpo nawule e naa fɛ fanɛ e kɔ kashenteŋ nna saŋkama. Enyiashempo bre bee kaŋ kusoe nna a nu kasotoji.

Aŋasa 14:6

Shiaworapo maaŋ tiŋ n nya kanyiasheŋ kikɛ ama lakalwura bre bee nya kenyi manaŋ manaŋ nna.

Aŋasa 15:12

Esa nɛ e bee wora basa eyurto kikɛ maa sha keŋini, amoso mo alɛ maaŋ yɔ enyiashempo kutɔ n ya fin kasotoji.

Aŋasa 15:20

Kebia nyiashempo kikɛ bee bar mo tuto kagbenefuli nna, kebia wulpo e naa kplaŋ mo nio be keŋini so.

Aŋasa 15:5

Ewulpo e naa kplaŋ mo tuto nɛ mo nio be keŋini so. Enyiashempo kikɛ bee shin nɛ mo tuto nɛ mo nio bee niŋi mo ekpa nna.

Aŋasa 7:24

Amoso, naniere, ma mbinyɛnsobi, men nu nfe. Men kaŋ kusoe n nu kusɔ nɛ mee kaŋɛ ere.

1 Samuɛl 2:25

Nɛ fanɛ esa ko baŋ wora n da mo barkasa so, Ebɔrɛ beeŋ tiŋ n lɔŋɛ bumo be kefɛato, ama nɛ fanɛ esa wora n da Ebɔrɛ so wanɛ malɛ e naaŋ tiŋ n lɔŋɛ bumo be kefɛato?” Ama ŋkpal Enyɛnpe Ebɔrɛ na ka daŋ yili kumo fanɛ e beeŋ mɔ bumo so, mbinyɛnsobi na daŋ maŋ nu n sa kusɔ nɛ bumo tuto daŋ kaŋɛ bumo na.