Aŋasa 11:5 - EBƆRƐ BE KAWƆL

⁵ Kashenteŋji bee shin nɛ kebaawɔtɔ bee ki pɔpɔtɔ nna a sa esa lela, ama belubiworapo bre gbagba e naa da bumo amu a lɛ.

Aŋasa 11:5 ပူးပေါင်းရင်းမြစ်များ

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

Job be kawɔl 18:7

Bumo be aya daa kɔ eleŋ nna ga, ama naniere e ki aya pɔso. Bumo gbagba be asheŋ woraso e shin nɛ b fiti n tɔr.

Aŋasa 1:18

To, loŋ be basa lubi na bee sho bumo gbagba be amu ajigbelɛ nna. B yɛ basa nɛ baa pugi a jo, ama bumo gbagba be amu nɛ baa kilgi a mɔ.

Aŋasa 11:3

Basa lela be kashenteŋji e naa kuŋ bumo. Basa nɛ esa maaŋ tiŋ n yirda bre gbagba be kebirkɔnshi e naa mur bumo.

Aŋasa 12:3

Kumu kpakpaso be asheŋ woraso maa kuŋ esa, ama kecheembiya bre bee shin nɛ esa bee yili to kiŋkiŋ nna.

Aŋasa 13:6

Kebaawora asheŋ niŋiso bee kuŋ esa niŋiso nna, ama alubi bre bee da basa lubi nna a lɛ.

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Aŋasa 15:19

Etɔlpo be ekpa to e kɔ ewi, ama esa nɛ e bee wora alela bre be ekpa to du fanɛ kegbembi nna.

Aŋasa 21:29

Kenyɛn nɛ belubiworapo kɔ a wora asheŋ, ama basa nɛ baa wora asheŋ niŋiso bre bee fɛ nfɛra nna pɔɛŋ nsaa wora asheŋ.

Aŋasa 28:18

Kashenteŋji bee kuŋ esa nna, ama esa nɛ e maŋ niŋi bre bee tɔr manaŋ manaŋ nna.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

Aŋasa 5:22

Esa lubi be alubi du fanɛ kegba, nɛ mo gbagba bee kilgi a tɔr to nɛ k bee pɛ mo nna.

Aizaaya 26:7

Kusɔ nɛ k daga nɛ fo Enyɛnpe Ebɔrɛ bee wora jemanɛ kikɛ, nsaa shin nɛ ekpabi bee ki fanɛ kegbembi a sa basa nɛ baa wora fo kasonu.

Hoziya 5:5

Israɛl be basa na be kamoowu e shin nɛ bumo gbagba be ŋgbene bee ji a bri bumo. Bumo be alubi malɛ so so nɛ baa fiti a tɔr nɛ Juda malɛ gba be basa ti bumo so a tɔr na.

Demujipoana 20:41

Ndoŋ nna nɛ Israɛl be benapo na kilgi n tu bumo nɛ kufu pɛ Bɛnjamin be benapo na, ŋkpal manɛ so, b wu fanɛ baa shin nɛ b mur nna na.