Aŋasa 11:3 - EBƆRƐ BE KAWƆL

³ Basa lela be kashenteŋji e naa kuŋ bumo. Basa nɛ esa maaŋ tiŋ n yirda bre gbagba be kebirkɔnshi e naa mur bumo.

Aŋasa 11:3 ပူးပေါင်းရင်းမြစ်များ

Nshɛ 25:21

Keni ma alelasheŋ nɛ aworbi nɛ a niŋi ekpa so, nseŋ kuŋ ma ŋkpa. Ŋkpal manɛ so, ma tama deŋ fo so nna.

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Aŋasa 11:5

Kashenteŋji bee shin nɛ kebaawɔtɔ bee ki pɔpɔtɔ nna a sa esa lela, ama belubiworapo bre gbagba e naa da bumo amu a lɛ.

Aŋasa 13:6

Kebaawora asheŋ niŋiso bee kuŋ esa niŋiso nna, ama alubi bre bee da basa lubi nna a lɛ.

Aŋasa 19:3

Kawuli e naa yɛr basa ko tɔrɔ to nɛ baa pɔlɔ Enyɛnpe Ebɔrɛ.

Aŋasa 2:22

Ama Ebɔrɛ beeŋ lara basa lubi nɛ basa nɛ b maa ji kashenteŋ ashi kasawule ere so.

Aŋasa 21:7

Belubiworapo be kenyaŋɛto a fin basa be kemɔ e naa yɛr bumo kemur to ŋkpal b kaa maa sha kewora kusɔ nɛ k niŋi so.

Aŋasa 22:12

Enyɛnpe Ebɔrɛ be anishi yuu beshenteŋjipo kikɛ so nna, ama e maa sa befɛpo bre be malga kashuli.

Aŋasa 28:18

Kashenteŋji bee kuŋ esa nna, ama esa nɛ e maŋ niŋi bre bee tɔr manaŋ manaŋ nna.

Kaŋinichiŋgeliŋ 7:17

Sa maa kɔ kumu kpakpaso ŋko e la ewulpo saŋɛ na so fo maaŋ wu nɛ fo kachɛ maŋ naŋ fo.

Aizaaya 1:28

Ama e beeŋ mur esa kama nɛ e bee wora alubi nseŋ kini fanɛ Enyɛnpe Ebɔrɛ e baa wɔ mo na. Mo alɛ beeŋ shin nɛ esa kama nɛ e kplaŋ mo so e wu.

Nɔmbɛs 31:8

n ta Evi nɛ Rekɛm nɛ Zur nɛ Hur nɛ Reeba nɛ b daa la Midianebi be bewura na n ti so. B daŋ mɔ Biyɔɔ pibinyɛn Balaam gba kena na to nna.

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.