Aŋasa 11:23 - EBƆRƐ BE KAWƆL

²³ Asɔ kama nɛ basa lela bee fin bee ki asɔ lela nna. Ama belubiworapo bre baŋ nya asɔ k bee pɛ basa agbo nna.

Aŋasa 11:23 ပူးပေါင်းရင်းမြစ်များ

Nshɛ 10:17

Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Nshɛ 119:10

Meeŋ shuŋ fo nɛ ma kagbene kikɛ; sa maŋ shin nɛ n lar kebaawora fo mbraana kasonu to.

Nshɛ 119:5

Ekpa kikɛ so, n daa sha ketiŋ m bɛ fo mbraana so kashenteŋto nna!

Nshɛ 27:4

Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Nshɛ 37:4

Shin nɛ fo kagbene e baa fuli fo ga; ŋkpal fo ka bee wora Enyɛnpe Ebɔrɛ na be aparsheŋ so. Mo alɛ beeŋ baa wora kusɔ nɛ fee sha a sa fo.

Aŋasa 10:28

Basa lela be kanya bee bar kagbenefuli nna, ama belubiworapo bre maaŋ nya kusɔ nɛ baa tama kikɛ.

Aŋasa 11:24

Kakɛ maa loge asɔ. Beko bee kɛ ga, bumo alɛ nsaa dii dama saŋkikɛ, nɛ beko malɛ kɔ miri ga nsaa la betirpo saŋkikɛ.

Aŋasa 11:7

Belubiworapo nɛ tama e naa wu, nɛ bumo be yirda nɛ k deŋ bumo be kedamaya so e ki fuloŋ.

Aŋasa 12:5

Beshenteŋjipo bee wora asheŋ nɛ amo be ekpa so nna, ama belubiworapo bre bee fule basa nna.

Aŋasa 13:2

Basa lela be mmalga e naa ka bumo kukɔ, basa lubi bre be kusɔ nɛ baa sha e la kebaa tintiŋ basa a wɔtɔ alubi be kewora to.

Aizaaya 26:9

Kanyɛso kikɛ ma kagbene bee kɔ a fin fo nna. Fo baŋ ji durnya nɛ kumo be basa demu, bumo kikɛ beeŋ koya kebaawɔtɔ ŋini so.

Jɛremaya 17:16

Ama Enyɛnpe Ebɔrɛ, fo e lara ma fanɛ m baa keni fo basa so fanɛ anebi, kumo alɛ nɛ mee wora na. Fo nyi ma kɔnɔ to be mmalga kikɛ. Ma alɛ maŋ naŋ kaŋɛ fo kachɛ koŋwule gba fanɛ fo gberge bumo kusoe.

Matiu 5:6

Kagbenefuli la bekama nɛ alelasheŋ be kebaawɔtɔ bee yɛlga bumo nsaa pere bumo kenishi na peya nna, ŋkpal manɛ so, baaŋ ba nya kumo kanaŋkamaso nɛ baa sha.

Hibruwebi 10:27

Kusɔ nɛ k baŋ ka n daga kaŋana e la fanɛ b baa tama kasogberge nɛ edɛ wuloŋwuloŋ nɛ a beeŋ chɔɔ Ebɔrɛ mo doŋana kikɛ m mur na.