Aŋasa 10:6 - EBƆRƐ BE KAWƆL

⁶ Basa lela bee nya nɛfa nna; ama nfɛra lubi e ŋana a wɔ esa lubi be mmalga be kaman.

Aŋasa 10:6 ပူးပေါင်းရင်းမြစ်များ

Ɛsta 7:8

Ewura na ka shi kelɔnɛ na so m bɛta a ba ebu na to nɛ e wu Heman ka jɔŋɛ ŋ gbasa Ɛsta be kuwurputi a kule mo kenishipereso fanɛ e chɛ mo to. Ewura na ka wu loŋ nɛ e ponte ŋ kaŋɛ le: “Kanyɛn ere bee sha kepur ma eche ere ma anishito nna ashi ewurkpa nfe a?” Ewura na maŋ naŋ malga n loge gba nɛ mbe nyɛrbi ba nyaŋ Heman ŋ gberge mo ashi ewurche na kutɔ.

Job be kawɔl 29:13

Bekama nɛ asheŋ pɔɔ so nɛ n chɛ bumo to na nɛfa ma, ma alɛ daŋ chɛ bekulpoche to nɛ bumo be ŋgbene fuli bumo.

Nshɛ 107:42

Menyeeŋ wu le be asheŋ ere nɛ menyi be ŋgbene e fuli, ŋkpal men ka bee wora Enyɛnpe Ebɔrɛ na kasonu so. Ama kumukpakpasowuraana bre maaŋ nya nnɔ bugi gba.

Aŋasa 10:11

Esa lela be mmalga du fanɛ kebuye nna a sa ŋkpa, ama kamɔ be nfɛra lubi e ŋana a wɔ esa lubi be mmalga be kaman.

Aŋasa 10:5

Enyiashempo bee teŋi asɔ saŋɛ nɛ a bel nna, ama k la anishinyɔr nna fanɛ esa e baa dese a di kasɔteŋi be jemanɛ.

Aŋasa 11:26

Basa bee sho bumo nɛ baa ti ajibi so a yili fanɛ amo be yawu e di pɔɛŋ nɛ b fa na kɔnɔ nna, nsaa chɔrɔ bekama nɛ baa fa amo saŋkikɛ na.

Aŋasa 24:25

Ama demujipo nɛ e bee gberge belubiworapo kusoe bre beeŋ nya nɛfa nna nɛ asheŋ e baa nite nɛnɛ a sa mo.

Aŋasa 28:20

Ebɔrɛ beeŋ nɛfa bekama nɛ baa ji kashenteŋ, ama E beeŋ gberge bekama nɛ baa sha fanɛ b bɔla ekpa lubi so n dii dama manaŋ na kusoe.

Aŋasa 3:33

Enyɛnpe Ebɔrɛ na be shoduu wɔ basa lubi pe nna, nɛ mbe nɛfa malɛ wɔ basa lela pe.

Aizaaya 3:10

Kaŋɛ basa nɛ b niŋi na fanɛ asheŋ beeŋ nite nɛnɛ n sa bumo ere. Baaŋ nya bumo be kegben be tɔnɔ.

Obadaya 1:10

Ŋkpal menyi Edɔmebi ka diewu n ta kumu kpakpaso n shuŋ men kurgepoana Jeekɔb be kanaŋ to ebi kushuŋ lubi na so, anishinyɔr beeŋ ba menyi so. Menyi alɛ beeŋ mur kuraa.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

Ditɛronɔmi 28:2

Men baa wora Enyɛnpe menyi be Ebɔrɛ na kasonu nseŋ nya enɛfa ere.