Aŋasa 10:22 - EBƆRƐ BE KAWƆL

²² Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Aŋasa 10:22 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 13:2

Eebram daa la damawura nna kashenteŋto nseŋ daa kɔ mbolpɔ nɛ mboe nɛ ana nɛ shuwa nɛ gbiti.

Jɛnesis 14:23

fanɛ m maaŋ ta fo kusɔ kama, hale kajesebi ŋko kesebeta be kawɔlbi gba, saŋɛ na so fo maaŋ nya ŋ kaŋɛ le: ‘Ma e shin nɛ Eebram ki damawura.’

Jɛnesis 24:35

Enyɛnpe Ebɔrɛ malɛ nɛfa n nyɛnpe Eebraham ga nɛ e dii dama. E sa mo mbolpɔ nɛ ana nɛ shuwa nɛ gbiti nɛ anya nyɛnso nɛ becheso nɛ enyɔma nɛ ekurma.

Jɛnesis 26:12

Aizek ka dɔ n duu asɔ kasawule na so nɛ e nya adɔjibi ga loŋ be kafɛ na ŋkpal Enyɛnpe Ebɔrɛ na ka nɛfa mo so so.

Jɛnesis 26:13

Ŋkpal kananɛ Ebɔrɛ daa nɛfa mo na so so, Aizek be kanya daŋ baa ti so nna nɛ e ya ki damawura gboŋgboŋi.

1 Bewura 21:19

n ya kaŋɛ mo fanɛ ma Enyɛnpe Ebɔrɛ na e naa kaŋɛ mo fanɛ naniere fo ka mɔ Nabɔf na, mbe kapetɛ e ka nɛ fo ta ŋko? Kaŋɛ mo fanɛ kakpa nɛ njɔnɔ dente Nabɔf be ŋklaŋ na, ndoŋ gbagba nɛ baaŋ dente mo alɛ gba be ŋklaŋ!”

1 Kronikɛls 4:10

Ama Jabez daŋ kule Israɛl be Ebɔrɛ na nna ŋ kaŋɛ le: “Ebɔrɛ, nɛfa ma nseŋ shin nɛ ma kasawule e wora keshi ga. Baa wɔ ŋ kutɔ nsaa kuŋ ma ashi kulubi to, saŋɛ na so ebesa maaŋ ba ma so.” Nɛ Ebɔrɛ wora kusɔ nɛ e kule na gbagba n sa mo.

2 Kronikɛls 25:9

Nɛ ewura Amaziya bishi anebi na le: “Nɛ gbiti nɛ n teŋ ta n sa bumo fanɛ bumo be kakɔka na malɛ a?” Nɛ anebi na malɛ kaŋɛ le: “Enyɛnpe Ebɔrɛ na beeŋ tiŋ n sa fo kusɔ nɛ k chɔ loŋ!”

2 Kronikɛls 32:27

Ewura Hɛzekaya daŋ dii dama nna ga nɛ ekama daa sa mo bunyaŋ. E daŋ shin nna nɛ b pɔr asɔ be ebuana nɛ baa ta mbe shuwa nɛ gbiti nɛ yawukpakpaso be ajembu nɛ efɛa belbelso be asɔ nɛ abɛlso be asɔkuŋso nɛ asɔ lela kikɛ a wɔtɔ ndoŋ.

2 Kronikɛls 32:29

Ebɔrɛ daŋ shin nna nɛ ewura Hɛzekaya dii dama ga n tɔ mbolpɔ nɛ mboe nɛ ana n ti so nseŋ pɔr nde damta.

Nshɛ 107:38

Enyɛnpe Ebɔrɛ na beeŋ nɛfa menyi, nseŋ shin nɛ menyi be mbia e wora keshi; mo alɛ maaŋ shin nɛ menyi be ana e duga so.

Nshɛ 127:2

Kewule ŋ koso a shuŋ a fin kusɔ jiso hale nɛ saŋko e ya fo na gba la jiga nna; Ŋkpal manɛ so, Enyɛnpe Ebɔrɛ na e naa sa basa nɛ e bee sha asɔ jemanɛ nɛ b dese a di gba.

Nshɛ 37:22

Basa nɛ Enyɛnpe Ebɔrɛ nɛfa na, e naŋ ji kasawule ere so be tɔnɔ. Ama bekama nɛ Ebɔrɛ sho kɔnɔ na bre beeŋ mur.

Aŋasa 14:24

Benyiashempo beeŋ nya kedamaya be tɔnɔ, ama bewulpo bre be kawulisheŋ e naa shin nɛ basa bee pin fanɛ b la bewulpo.

Aŋasa 20:21

Fo baa maŋ gben pɔɛŋ nseŋ dii dama, fo asɔ na maa chɛr nsaa mur.

Aŋasa 28:22

Esa kama nɛ e bɔlɔ miri so n dii dama beeŋ ki etirpo.

Aŋasa 8:21

Mee sa bumo nɛ baa sha ma kedamaya nna nsaa shin nɛ asɔ lela bee bɔlɔ bumo be nwu.

Danɛl 1:15

Nchɛ kudu na ka fo nɛ b wu fanɛ Danɛl nɛ mo teriana na kɔ eyur be alenfia nɛ eleŋ nɛnɛ a chɔ bumo braana nɛ b daa ji ewurkpa be ajibi na.

Zakareya 5:4

Enyɛnpetale Ebɔrɛ na yɛ e beeŋ shin nɛ kɔnɔsho ere e luri eyu nɛ ekama nɛ e bee bɔ ntaŋ a ku efɛ kikɛ be elaŋana to nseŋ shir elaŋ na so hale nɛ a ya mur cheche.”

Ditɛronɔmi 26:10

Amoso nɛ ŋ kɔ ma sososo be adɔjibi nɛ Enyɛnpe Ebɔrɛ na sa ma na a ba nɛ m ba sa mo.” E kaŋ malga le n loge nɛ e murgi m bunyaŋ Enyɛnpe Ebɔrɛ na ndoŋ.

Ditɛronɔmi 28:11

Enyɛnpe Ebɔrɛ na beeŋ sa menyi mbia nɛ asɔbɔya nɛ adɔjibi damta ashi kasawule nɛ e nase kumo be kɔnɔ n sa menyi nananyɛnana na so.

Joshuwa 6:18

Men sa maŋ kaŋ ta asɔ nɛ a daga fanɛ men mur na be kekama, ŋkpal manɛ so, nɛ men baŋ wora loŋ, Enyɛnpe Ebɔrɛ na beeŋ shin nɛ menyi nɛ Israɛlebi nɛ b wɔ keeyi to na kikɛ e mur.