Aŋasa 10:19 - EBƆRƐ BE KAWƆL

¹⁹ Fo baa malga ga fo maa kra malga a foe. Nɛ fo nyi asheŋ fo maaŋ baa malga ga.

Aŋasa 10:19 ပူးပေါင်းရင်းမြစ်များ

Job be kawɔl 11:2

“Esa maaŋ tiŋ ŋ kplaŋ le be kawuli be mmalga damta ere so nɛ e maŋ nya kusɔ ko ŋ kaŋɛ.

Nshɛ 39:1

Ŋ kaŋɛ fanɛ meeŋ baa de so, nɛ ma kudonduloŋ maaŋ wora alubi. N yɛ, meeŋ kre ma kɔnɔ so, saŋɛ nɛ ma nɛ basa lubi wɔtɔ na.

Aŋasa 11:12

Ewulpo e naa ji beko be asheŋ, enyiashempo bre bee loto nna.

Aŋasa 11:13

Esheŋjipo kikɛ maŋ kɔ ashiri, ama feeŋ tiŋ n yirda esa nɛ basa bee sa yirda bre.

Aŋasa 12:23

Enyiashempo bee ta mbe kenyi nna a ŋana, ama ewulpo bre bee shin nɛ mbe kawuli bee di efuli nna.

Aŋasa 18:21

Atugebi beeŋ tiŋ m mɔ esa, ŋko n sa mo ŋkpa; Esa kama malɛ beeŋ nya mbe m malga be kakɔka.

Kaŋinichiŋgeliŋ 5:1

Baa da asheŋ nɛ fee wora ashi Ebɔrɛ be lambu to so. Fee yɔ ndoŋ nna nɛ fo ya nu kusɔ nɛ beŋinipo bee ŋini, mannɛ keya lara kawuliso be sarga fanɛ bewulpo nɛ b maŋ nyi alubi nɛ alela be mbarga na.

Kaŋinichiŋgeliŋ 5:2

Baa fɛ nfɛra pɔɛŋ nsaa malga, sa maa nya manaŋ a nase nnɔ Ebɔrɛ be anishito. Ebɔrɛ wɔ ebɔrɛso nna nɛ fo alɛ wɔ kasawule ere so, amoso sa maa malga ga.

Kaŋinichiŋgeliŋ 5:3

Kananɛ kafɔŋ damta beeŋ tiŋ n shin nɛ esa e dese ŋ ku edare lubi na, loŋ koŋwule na nɛ esa nɛ e bee malga ga beeŋ tiŋ m malga kawulisheŋ be mmalga.

Jeems 1:19

Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,

Jeems 3:2

An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.