Aŋasa 10:18 - EBƆRƐ BE KAWƆL

¹⁸ Esa kama nɛ kekishi wɔ mo to la efɛpo nna. Ewulpo e naa ta b yɛ b yɛ a shuŋ.

Aŋasa 10:18 ပူးပေါင်းရင်းမြစ်များ

2 Samuɛl 3:27

Abna ka ba na nɛ Jɔab keta mo n lar kabunagboŋ na ekpa fanɛ e ka bee sha nɛ e kuli m malga mo kutɔ na, nseŋ ta kasaŋɛ n da mbe epun nɛ e wu. Ŋkpal Abna ka mɔ Jɔab mo sipo Asahɛl so nɛ Jɔab malɛ mɔ mo na.

Nshɛ 101:5

M maaŋ sa ekama nɛ e bee nite a ji basa be asheŋ ekpa nɛ e baa wora loŋ. Ma alɛ maaŋ sa kamoowuwura ŋko keŋkenshiwura kashuli kikɛ nɛ b baa du loŋ.

Nshɛ 12:2

Ekama bee fule mo barkasa nna. Mmalga belbelso nɛ b kɔ a fule abar.

Nshɛ 15:3

nsaa maa ku efɛ a deŋi bumo braana, ŋko a malga asheŋ lubi a gbiti bumo na; nɛ bumo nɛ baa sa basa bunyaŋ na,

Nshɛ 5:9

M maaŋ tiŋ n yirda kusɔ nɛ ma doŋana bee kaŋɛ. Esa be kejija nɛ baa fin. Efɛ e bɔlɔ bumo be mmalga to fanɛ kemaŋ chiŋgeliŋ nɛ asɔ buu so. Bumo be adonduloŋ malɛ bee ku efɛ nawule nna.

Nshɛ 50:20

Men tase nna a kuli men kurgepoana nsaa jija men niopibiana gbagba be atre.

Nshɛ 55:21

Mbe kamalga wɔ ebel nna fanɛ mushoŋ; ama kekishi e bɔlɔ mbe kagbene to nɛ e wora shiriya nɛ e ta tokobi ŋ kɔ ma.

Ɛksodɔs 23:1

Men sa maa bɔ efɛ be baru, ŋko a ji efɛ be shɛda a chɛ belubiworapo to.

Jɛremaya 6:28

Bumo kikɛ la ŋgbene kpakpaso wuraana nɛ b maa shuli fanɛ esa e baa wɔ bumo nna. Bumo be ŋgbene du kpakpa nna fanɛ danyaŋ ŋko kenyembi. Eda lubi nɛ bumo kikɛ kɔ a wɔtɔ a ku efɛ a kulti.

Jɛremaya 9:4

A daga fanɛ ekama e baa de mo teriana be asheŋ woraso so, nsaa maŋ yirda mo kurgepoana be asheŋ woraso gba. Ŋkpal manɛ so, bekurgepoana na be ekama maa ji kashenteŋ fanɛ men nananyɛn Jeekɔb; ekama malɛ wɔtɔ nna a ku efɛ a jija mo teriana be atre.

Levitikɔs 19:16

Men sa maa nite a ji basa be asheŋ a ku efɛ a deŋi bumo. Nɛ baa ji esa demu nɛ k beeŋ tiŋ n shin nɛ e paŋ mbe ŋkpa nɛ feeŋ tiŋ n ji shɛda n chɛ mo to, fo wora loŋ. Ma e la Enyɛnpe Ebɔrɛ na.

1 Samuɛl 18:29

nɛ e naa ŋana Deevid alegaiso nseŋ ta Deevid ŋ ki mo doŋ hale n ya fo mbe luwu be jemanɛ.