Aŋasa 10:17 - EBƆRƐ BE KAWƆL

¹⁷ Basa nɛ baa shuli a sɔ keŋini be kasogberge beeŋ ji efute, ama bumo nɛ b maa shuli kewora n jija bre be lalaloge maa kaa walɛ.

Aŋasa 10:17 ပူးပေါင်းရင်းမြစ်များ

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

Aŋasa 1:30

Fo kini ma kasotoji nsaa maŋ shin nɛ n niŋi fo ekpa.

Aŋasa 12:1

Ekama nɛ e bee sha keniŋi bee nya kenyi nna. Ama ekama nɛ e kishi keniŋi la ewulpo nna.

Aŋasa 15:10

Kasogberge gboŋgboŋi bee jo ekama nɛ e maa bɔla ekpa niŋiso so a wora asheŋ na nna. Ekama nɛ e kini keŋini nsaa bɛ ekpa nɛ k maŋ niŋi na so beeŋ wu.

Aŋasa 15:32

Esa kama nɛ e maa shuli a sɔ kasogberge maa sha mbe kumu nna na, ama esa kama nɛ e bee sɔ keŋini bee nya kanyiasheŋ nna a ti so.

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Aŋasa 3:18

Bekama nɛ b kɔ kanyiasheŋ na, be ŋgbene bee fuli bumo nna. Bumo be kanyiasheŋ bee sa bumo ŋkpa tenteŋ nna.

Aŋasa 4:13

Baa nyiŋi asɔ nɛ fo koya na saŋkikɛ, nsaa kɔ amo to kpakpa, ŋkpal manɛ so kusɔ nɛ fo koya e la fo ŋkpa.

Aŋasa 4:4

n tuto daa ŋini ma asheŋ nna a kaŋɛ ma le: “Baa nyiŋi asɔ nɛ mee kaŋɛ na, nsaa maa teŋ amo so. Baa bɛ asɔ nɛ mee kaŋɛ fo na so nseŋ nya ŋkpa tenteŋ.

Aŋasa 5:12

Loŋ be jemanɛ na so nɛ fo kaŋɛ le: “Manɛ e ba nɛ n daa maŋ koya? Manɛ nna nɛ m maŋ shuli n sɔ keŋini?

Aŋasa 5:14

Kabre ma e ŋaba basa kikɛ be anishito na!

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Kaŋinichiŋgeliŋ 5:6

Sa maŋ shin nɛ fo kɔnɔ to be mmalga e shin nɛ fo wora kulubi, saŋɛ na so fo maaŋ yɔ Ebɔrɛ be bɔrɛmatapo kutɔ n ya kaŋɛ mo fanɛ fo daa pɛl nna. Manɛ nna nɛ fee wɔtɔ Ebɔrɛ agbo to? Manɛ nna nɛ fo shin nɛ Ebɔrɛ jija kusɔ nɛ fo gben n nya na ŋkpal fo kamalga so?

Luuk 11:28

Nɛ Yesu kaŋɛ: “Ayai, bumo nɛ baaŋ nu ebel e la bumo nɛ baa nu abɔrɛsheŋ na nsaa wora amo.”

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 2:1

Amoso, a daga fanɛ an ka bugi asoe to nɛnɛ n nu asɔ, nɛ an nu na, saŋɛ na so, an maaŋ firgi n foe ekpa n choŋ.

Demujipoana 19:17

Kanyɛnnimubi na ka wu befɔ na kelɔnɛ na so na nɛ e bishi bumo: “Nnɛ nɛ men shi? Nnɛ nɛ menyee yɔ?”