Aŋasa 1:9 - EBƆRƐ BE KAWƆL

⁹ Ŋkpal manɛ so bumo be keŋini na beeŋ sa fo da lela, fanɛ kananɛ neemu ŋko kubɔtoshembi bee sa esa kela na.

Aŋasa 1:9 ပူးပေါင်းရင်းမြစ်များ

Jɛnesis 41:42

Fɛɛro ka kaŋɛ loŋ na be kaman nɛ e lara mbe kuwurji be eleŋ be kepinibi mbe keshilbi to n ta n wɔtɔ Josɛf peya to. Kumo be kaman nɛ e shin nɛ b ta asɔbuuso lela ko m buu mo nseŋ ta shuwa be gbelge n di mo.

Nshɛ 73:6

Amoso kamoowu ki fanɛ kubɔtoshembi ashi bumo be ebɔ to nna, nɛ kebaanyaŋɛto a wora asheŋ malɛ ki fanɛ bumo be asɔbuuso.

Aŋasa 3:22

Ŋkpal manɛ so, amo e naŋ sa fo kagbenefuli be ŋkpa nɛ k wɔ ebel.

Aŋasa 3:3

Sa maŋ shin nɛ kebaayɛ a wora e baa barga fo kikɛ. Chɛ kumo n shɛga fo kubɔ to fanɛ kubɔtoshembi, n shin nɛ k bɔlɔ fo kagbene to a dii efuli ashi fo kebaawɔtɔ to.

Aŋasa 4:9

Kumo e naŋ ki fanɛ kemaŋkura, be kuwurwuro m buu fo.

Sɔlɔmɔn 1:10

Akonde bee shin nɛ fo kebita bee lar alegaiso nna, nɛ fo kubɔtoshembi malɛ bee nyɛkpɛ fanɛ shuwa na.

Sɔlɔmɔn 4:9

Esipoche, ma kagbene pɛ fo ga; ma kagbene pɛ fo kashenteŋto nna. Ma nɛ fo be anishi ka baŋ wora abar anyɔ nɛ n wu kananɛ fo kubɔtoshembi bee nyɛkpɛ na nɛ ma kagbene laŋɛ fo so.

Jɛremaya 35:8

Anyi be kabuna ebi bee wora kusɔ kama nɛ an nananyɛn Jonadab kaŋɛ anyi kenishipereso na kasonu nna. Amoso anyi ŋko anyi be beche ŋko mbia be ekama maŋ naŋ nuu yabra ŋ ku so kikɛ;

Ezikɛl 16:11

Ade kikɛ be kaman nɛ n sa fo enɔ to be mpinibi nɛ kubɔtoshembi

Danɛl 5:16

Naniere nɛ n nu fanɛ fee tiŋ a pin ewulosheŋ to nsaa tiŋ a bugi alemaŋkarsheŋ be ewulo to. Fo baaŋ tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa fo to nseŋ ta shuwa be jaagba n di fo kubɔ to, nɛ fo ki esa nɛ e bɛ ma so esasopo ashi ma kuwura to.”

Danɛl 5:29

Epul na to nɛ ewura Bɛlshaaza ponte ŋ kaŋɛ mbe nyɛrbi fanɛ b ta awurpiŋi peper kunɔkunɔ m ba mɛa Danɛl to, nseŋ ta shuwa be jaagba n di mbe kubɔto. Nseŋ ta mo ŋ ki esa sasopo nɛ e bɛ mo so ashi mbe kuwura to.

Danɛl 5:7

Nɛ e ponte n shuŋi n tre ŋkilgiwuraana nɛ begba nɛ benyiashempoana. B ka ba na, nɛ ewura na kaŋɛ bumo le: “Ekama nɛ e tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa mo to nseŋ ta shuwa be jaagba n di mbe kubɔ to nɛ e ki esa nɛ e bɛ ma so esasopo ashi ma kuwura to.”