Aŋasa 1:7 - EBƆRƐ BE KAWƆL

⁷ Kabɔrɛŋana e la kenyi be sososo. Ewulpo e naa kini kanyiasheŋ be kekoya nɛ kebela be kasogberge.

Aŋasa 1:7 ပူးပေါင်းရင်းမြစ်များ

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Nshɛ 111:10

Men baa bunyaŋ Enyɛnpe Ebɔrɛ na, ŋkpal manɛ so, ekpa nɛ esa beeŋ bɔla so n nya kanyiasheŋ nna na. Bekama nɛ baa bɛ mbe mbraana so na e naa pin asheŋ to nɛnɛ. Kapandi e baa la mo peya mbaanaayɔ.

Aŋasa 1:22

“Ewulpo, fee sha fanɛ fo baa la ewulpo saŋkikɛ nna nsaa keni kenyi jiga a? Fo kini kenyi be kekoya nna a? Saŋɛ mo nɛ feeŋ fara a koya asheŋ?

Aŋasa 15:32

Esa kama nɛ e maa shuli a sɔ kasogberge maa sha mbe kumu nna na, ama esa kama nɛ e bee sɔ keŋini bee nya kanyiasheŋ nna a ti so.

Aŋasa 15:33

Kabɔrɛŋana e naa sa esa kanyiasheŋ, nɛ kamoobarase malɛ bee sa esa kemaŋkura.

Aŋasa 15:5

Ewulpo e naa kplaŋ mo tuto nɛ mo nio be keŋini so. Enyiashempo kikɛ bee shin nɛ mo tuto nɛ mo nio bee niŋi mo ekpa nna.

Aŋasa 18:2

Ewulpo e naa kini asheŋ be kepin to, nsaa kaŋɛ fanɛ mo nawule be nfɛra e walɛ.

Aŋasa 2:5

Fo wora loŋ, kumo ere feeŋ pin kusɔ nɛ k la kabɔrɛŋana nsaa tiŋ a pin Ebɔrɛ be asheŋ to.

Aŋasa 23:9

Sa maŋ jija saŋɛ a ŋini ewulpo asheŋ. E maaŋ ta fo kanyiasheŋ be mmalga na n shuŋ.

Aŋasa 9:10

Nɛ fee sha kanyiasheŋ, fo fara a ŋana Enyɛnpe Ebɔrɛ. Nɛ fo baa nyi Ebɔrɛ cheembi na, feeŋ baa pin asheŋ to.

Kaŋinichiŋgeliŋ 12:13

Ade kikɛ be kaman, kusɔ koŋwule e ka nɛ ŋ kaŋɛ. Baa ŋana Ebɔrɛ nsaa bɛ mbe mbraana so. Ŋkpal manɛ so, loŋ so nɛ Ebɔrɛ to dimɛdi bomin.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Ditɛronɔmi 4:6

Men ya ta kashenteŋji n wora amo kasonu nɛ efuli pɔtɛ so be basa na e wu kananɛ menyi be kanyiasheŋ du. Nɛ b kaŋ nu mbraana ere be asheŋ, baaŋ kaŋɛ le: ‘Efuligboŋ ere be basa nyi asheŋ nsaa pin asheŋ to pasaa!’ ”