Aŋasa 1:5 - EBƆRƐ BE KAWƆL

⁵ A bee sa benyiashempo kenyi nna a ti so, nsaa chɛ bekoyapo to nɛ baa tiŋ a lara asɔ nɛ a daga kewora;

Aŋasa 1:5 ပူးပေါင်းရင်းမြစ်များ

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

Job be kawɔl 34:10

Men nu nfe, menyi nɛ menyee pin asheŋ to ere! Enyɛnpetale Ebɔrɛ beeŋ shuli n wora kusɔ nɛ k maŋ daga a?

Job be kawɔl 34:16

Amoso nɛ men nyi asheŋ, men nu kusɔ nɛ mee kaŋɛ ere!

Job be kawɔl 34:2

“Menyi edimɛdi bee fɛ fanɛ men nyi asheŋ nna, ama men nu ŋ kutɔ!

Job be kawɔl 34:34

Job, esa kama nɛ e kɔ nfɛra lela beeŋ tiŋ m pin

Aŋasa 12:1

Ekama nɛ e bee sha keniŋi bee nya kenyi nna. Ama ekama nɛ e kishi keniŋi la ewulpo nna.

Aŋasa 14:6

Shiaworapo maaŋ tiŋ n nya kanyiasheŋ kikɛ ama lakalwura bre bee nya kenyi manaŋ manaŋ nna.

Aŋasa 18:15

Enyiashempo kikɛ bela ase nna nɛ e koya asheŋ saŋkama.

Aŋasa 19:25

Gberge kumukpakpasowura kusoe, nɛ esa nɛ e maŋ nyi e koya kebaawɔtɔ; Ama kefiɛ enyiashempo bre so bee sa mo lakal nna.

Aŋasa 21:11

Alubiworapo be kasogberge bee ŋini ewulpo asheŋ nna. Enyiashempo kikɛ bee nya kenyi nna ashi kusɔ nɛ b ŋini mo to.

Aŋasa 8:33

Men nu kusɔ nɛ mee ŋini menyi ere, nseŋ nya kanyiasheŋ. Men sa maŋ kplaŋ kumo so.

Aŋasa 9:8

Sa maŋ kaŋ fiɛ esa nɛ e bee puchi so, fo baŋ wora loŋ, e beeŋ kishi fo. Ama fo baŋ ŋini enyiashempo bre ekpa e beeŋ sa fo bunyaŋ.

Aŋasa 9:9

Kusɔ kama nɛ fo kaŋɛ enyiashempo, bee sa mo kanyiasheŋ nna a ti so. Kusɔ kama malɛ nɛ fo kaŋɛ basa nɛ baa wora asheŋ niŋiso, bee sa bumo kenyi nna a ti so.

Kaŋinichiŋgeliŋ 9:11

N daŋ naŋ wu kusɔ ko malɛ gba durnya to n ti so. Kumo e la fanɛ, mannɛ basa nɛ baa shile ga e naa tiŋ a ji kɔŋkɔŋ ŋko belempo e naa tiŋ a kɔ a pɔɔ so jemanɛ kikɛ. Mannɛ kanyiasheŋ ŋko kenyi be ga e naa bar ajibi ŋko kedamaya ŋko ketregboŋ. Kumu lubi malɛ wɔtɔ nna n sa ekama.

1 Kɔrintebi 10:15

Mee malga menyi kutɔ nna fanɛ benyiashempo, amoso, men gbagba e fɛ asheŋ nɛ mee malga ere be nfɛra ŋ keni.

Ditɛronɔmi 4:6

Men ya ta kashenteŋji n wora amo kasonu nɛ efuli pɔtɛ so be basa na e wu kananɛ menyi be kanyiasheŋ du. Nɛ b kaŋ nu mbraana ere be asheŋ, baaŋ kaŋɛ le: ‘Efuligboŋ ere be basa nyi asheŋ nsaa pin asheŋ to pasaa!’ ”