Aŋasa 1:4 - EBƆRƐ BE KAWƆL

⁴ Aŋasa ere beeŋ tiŋ n sa esa nɛ e maa pin asheŋ to manaŋ manaŋ kanyiasheŋ; nseŋ sa mbifɔlbi kenyi, n chɛ bumo to nɛ b baa wora asheŋ nɛ a kɔ tɔnɔ.

Aŋasa 1:4 ပူးပေါင်းရင်းမြစ်များ

Nshɛ 116:6

Enyɛnpe Ebɔrɛ na e naa kuŋ bekama nɛ b maaŋ tiŋ n chɛ bumo be amu to. Asheŋ ka tu ma, mo e mɔlga ma.

Nshɛ 119:130

Kebaapin fo mmalga to bee bugi nfɛra to nna nsaa sa basa nɛ b maŋ nyi asheŋ kanyiasheŋ.

Nshɛ 119:9

Kebaawora fo kamalga kasonu e naaŋ shin nɛ mbifɔlbi be kebaawɔtɔ e baa walɛ nseŋ niŋi.

Nshɛ 19:7

Enyɛnpe Ebɔrɛ be mbra na bee niŋi ekpa nsaa sa ŋkpa nna. Asɔ nɛ Enyɛnpe be mbra bee ŋini na la asɔ nɛ esa beeŋ tiŋ n yirda nna. Amo alɛ bee sa bebɔlpo, kanyiasheŋ nna.

Nshɛ 34:11

Ma mbia, men kaŋ kusoe n nu; nɛ n ŋini menyi kananɛ menyeeŋ baa bunyaŋ Enyɛnpe na.

Aŋasa 3:21

M pibinyɛn, baa kɔ fo kanyiasheŋ nɛ fo lakal to kpakpa. Sa maŋ shin nɛ a shile fo kikɛ.

Aŋasa 8:12

Ma, kanyiasheŋ, e naa sa asheŋ be kepin to nɛ kenyi nɛ demu be keji nɛ kumo be ekpa so be nfɛra.

Aŋasa 8:17

Mee sha bumo nɛ baa sha ma nna. Esa kama nɛ e bee fin ma kenishipereso beeŋ wu ma.

Aŋasa 8:32

Naniere, mbifɔlbi, men kaŋ kusoe n nu, Men wora asɔ nɛ ŋ kaŋɛ ere nɛ a shin nɛ men be ŋgbene e fuli menyi.

Aŋasa 8:5

Menyee wora abibisheŋ nna a? Men nya kenimufɛra. Men wuli nna ŋko? Men wora nfɛra.

Kaŋinichiŋgeliŋ 11:9

Kebifɔlbi, baa ji fo kumu kagbenefuliso, ŋkpal fo kebifɔlbi so. Baa wora fo kagbene be aparsheŋ kanaŋkama nɛ fee sha. Ama baa nyiŋi fanɛ Ebɔrɛ beeŋ yili kusɔ kama nɛ fo wora so n ji fo demu.

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Ditɛronɔmi 4:6

Men ya ta kashenteŋji n wora amo kasonu nɛ efuli pɔtɛ so be basa na e wu kananɛ menyi be kanyiasheŋ du. Nɛ b kaŋ nu mbraana ere be asheŋ, baaŋ kaŋɛ le: ‘Efuligboŋ ere be basa nyi asheŋ nsaa pin asheŋ to pasaa!’ ”

2 Timoti 2:22

Amoso, baa gelge kebrantiɛ to be ayɛlgasɔ nsaa ta fo nfɛra a wɔtɔ alelasheŋ nɛ yirda nɛ kasha nɛ kagbenewushi to nɛ fo nɛ bumo nɛ b kɔ kagbene koŋwule cheembi a kule Ebɔrɛ na e baa wɔ loŋ be kebaawɔtɔ to.

Taites 2:6

Loŋ koŋwule na e daga fo ka kaŋɛ mbrantiɛbiana na fanɛ b baa tiŋ bumo be amu.