Aŋasa 1:31 - EBƆRƐ BE KAWƆL

³¹ Amoso feeŋ ji kusɔ nɛ fo du na be asɔrso, nɛ fo gbagba be aworbi e kilgi a bishi fo.

Aŋasa 1:31 ပူးပေါင်းရင်းမြစ်များ

Job be kawɔl 4:8

Kusɔ nɛ ma ere nyi e la fanɛ basa nɛ baa du kulubi bumo be amu to nɛ k bee kɔr.

Nshɛ 81:13

Ma basa, Israɛlebi, daa beeŋ nu n sa ma nseŋ bɛ ma ekpaana so nna,

Aŋasa 12:14

Feeŋ nya kusɔ kama nɛ fo wora ŋko ŋ kaŋɛ be tɔnɔ.

Aŋasa 13:2

Basa lela be mmalga e naa ka bumo kukɔ, basa lubi bre be kusɔ nɛ baa sha e la kebaa tintiŋ basa a wɔtɔ alubi be kewora to.

Aŋasa 14:14

Kusɔ kama nɛ esa duu, kulubi ŋko kelela, kumo nɛ e beeŋ teŋi.

Aŋasa 22:8

Bekama nɛ baa duu alubi beeŋ nya amo be tɔnɔ. Bumo be agbo lubi e naŋ yɛr bumo kemur to.

Aŋasa 5:22

Esa lubi be alubi du fanɛ kegba, nɛ mo gbagba bee kilgi a tɔr to nɛ k bee pɛ mo nna.

Aŋasa 5:23

Loŋ be basa bee wu nna ŋkpal b ka maŋ kɔ kamootiŋ so. Bumo gbagba be kawulisheŋ e naa yɛr bumo nchaŋ to.”

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Aizaaya 66:4

Amoso meeŋ gberge bumo kusoe n shin nɛ kusɔ nɛ baa ŋana e ba bumo so, ŋkpal manɛ so, ŋ ka tre bumo, ekama maŋ shuli ŋko n nu kusɔ nɛ ŋ kaŋɛ na. B kini kewora ma kasonu nna nsaa wɔtɔ a wora asɔ nɛ ŋ kishi.”

Jɛremaya 14:16

Basa nɛ b ku le be efɛ ere n sa na gba beeŋ wu ekpa koŋwule na so. Baaŋ wu n dese Jerusalɛm be kade to be agbembi so nɛ esa kikɛ maaŋ baa wɔtɔ nɛ e puli bumo. Kusɔ nɛ k beeŋ ba bumo gbagba nɛ bumo be beche nɛ mbia kikɛ so nna na. Meeŋ shin nɛ b ka bumo be asheŋ lubi na be kukɔ.”

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 6:19

Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.

Ezikɛl 22:31

Amoso ma agbogboŋ beeŋ mur Israɛl be basa ŋkpal kusɔ nɛ b wora so. Ma, Enyɛnpetale Ebɔrɛ e kaŋɛ na.”