Aŋasa 1:22 - EBƆRƐ BE KAWƆL

²² “Ewulpo, fee sha fanɛ fo baa la ewulpo saŋkikɛ nna nsaa keni kenyi jiga a? Fo kini kenyi be kekoya nna a? Saŋɛ mo nɛ feeŋ fara a koya asheŋ?

Aŋasa 1:22 ပူးပေါင်းရင်းမြစ်များ

Job be kawɔl 34:7

Men daŋ wu esa nɛ e du fanɛ Job a? E maa sa Ebɔrɛ bunyaŋ kikɛ!

Nshɛ 1:1

Kagbenefuli la bekama nɛ b maa sɔ alubiworapoana be kasotoji, ŋko a kute alubiworapoana to a wora asheŋ, ŋko a tu basa nɛ b maŋ kɔ saŋɛ a sa Ebɔrɛ na peya nna.

Nshɛ 94:8

Ma basa, manɛ nna nɛ men paŋ nfɛra loŋ? Saŋɛ mo nɛ menyi beeŋ naŋ nya kanyiasheŋ?

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Ɛksodɔs 16:28

Ndoŋ nna nɛ Enyɛnpe Ebɔrɛ bishi Mosis: “Manɛ nna nɛ men wɔtɔ a kini kebɛ ma mbraana so?

Aŋasa 1:21

K wɔ nde be mbunagboŋ nɛ basa bee bɔla to a lar nsaa luri na ase nna a ponte a tre awɔrso a kaŋɛ le:

Aŋasa 1:29

Fo yɛ kenyi maŋ la shɛŋ nseŋ kini kewora Enyɛnpe Ebɔrɛ kasonu.

Aŋasa 1:32

Ewulpo be kawuli e naa bar mo luwu, nɛ kekini kenyi be kekoya malɛ bee yɛr esa kemur to.

Aŋasa 1:4

Aŋasa ere beeŋ tiŋ n sa esa nɛ e maa pin asheŋ to manaŋ manaŋ kanyiasheŋ; nseŋ sa mbifɔlbi kenyi, n chɛ bumo to nɛ b baa wora asheŋ nɛ a kɔ tɔnɔ.

Aŋasa 1:7

Kabɔrɛŋana e la kenyi be sososo. Ewulpo e naa kini kanyiasheŋ be kekoya nɛ kebela be kasogberge.

Aŋasa 14:6

Shiaworapo maaŋ tiŋ n nya kanyiasheŋ kikɛ ama lakalwura bre bee nya kenyi manaŋ manaŋ nna.

Aŋasa 15:12

Esa nɛ e bee wora basa eyurto kikɛ maa sha keŋini, amoso mo alɛ maaŋ yɔ enyiashempo kutɔ n ya fin kasotoji.

Aŋasa 19:29

Kasogberge wɔtɔ nna ŋkpal basa kpeŋso so. Ewulpo kikɛ bee nya kebri nna.

Aŋasa 21:11

Alubiworapo be kasogberge bee ŋini ewulpo asheŋ nna. Enyiashempo kikɛ bee nya kenyi nna ashi kusɔ nɛ b ŋini mo to.

Aŋasa 21:24

Esa kama nɛ kamoowu nɛ ŋkpensheŋ bɔlɔ mo to, bee wora basa eyur to nna.

Aŋasa 22:3

Enyiashempo baaŋ wu kenishipere ka bee ba e bee gelge kumo nna, ama esa nɛ e maa pin asheŋ to manaŋ manaŋ bre bee suse kumo to nna; kumo be kaman nɛ e wora n daa nyi nna.

Aŋasa 3:34

Mo nɛ basa nɛ baa maŋ bumo be amu so maŋ kɔ shɛŋ, ama e bee shu basa nɛ baa bar bumo be amu ase bre so nna.

Aŋasa 5:12

Loŋ be jemanɛ na so nɛ fo kaŋɛ le: “Manɛ e ba nɛ n daa maŋ koya? Manɛ nna nɛ m maŋ shuli n sɔ keŋini?

Aŋasa 6:9

Etɔlpo, nuso be ewushi nɛ fee sha nɛ fo wushi? Saŋɛ mo nɛ feeŋ tiŋi edi to ŋ koso n shuŋ?

Aŋasa 7:7

n wu mbrantiɛbia damta nɛ b maa pin asheŋ to manaŋ manaŋ, nseŋ keni bumo to n wu ewulpo ko.

Aŋasa 8:5

Menyee wora abibisheŋ nna a? Men nya kenimufɛra. Men wuli nna ŋko? Men wora nfɛra.

Jɛremaya 13:27

Ŋkpal manɛ so, e wu fo basa ka wora asheŋ nɛ e kishi nna. Kumo e la fanɛ e wu menyi nɛ menyee shuŋ nnyamase be agbirana ashi abee so nɛ adɔsawule to fanɛ kananɛ enyɛn ko bee yɛlga mo barkasa be eche nsaa shil a chɔ mo so na ŋko fanɛ kananɛ gbaŋɛ nyɛnso bee ju a bɛ gbaŋɛ cheso so na. Asheŋ maaŋ nyalɛ n sa menyi, Jerusalɛm to be basa ere! Jemanɛ mo nɛ menyeeŋ naŋ nyalɛ so a maaŋ naa kɔ eyurpi menyi so?

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Nɔmbɛs 14:27

“Saŋɛ mo gba nɛ basa lubi ere beeŋ yige kebaa fubel a bile asheŋ a malga a gbiti ma? Bumo be nfubel na wora kebaŋso!

Matiu 17:17

Nɛ Yesu bishi bebɛsopo na: “O menyi mbreebi, nuso be basa lubi e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nɛ nuso be kanyiti nɛ menyee sha fanɛ n naŋ ta ŋ keta menyi? Men bar kebia na ma kutɔ nfe.”

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Matiu 9:13

Le nɛ abɔrɛsibɛ na bee kaŋɛ fanɛ Ebɔrɛ bee kaŋɛ: ‘Mannɛ esarga be kelara nɛ mee sha. Abar be kebaawora kelela nɛ mee sha.’ Men ya keni n fin kumo be kifito. M maŋ ba nna nɛ m ba tre basa nɛ baa tre bumo be amu basa lela, alubiworapoana nɛ m ba nɛ m ba tre.”

Luuk 19:42

e shu na nseŋ kaŋɛ le: “Alako kabre, menyi alɛ gba daa nyi asɔ nɛ a bee bar kagbenewushi nna. Ama b ta amo ŋ ŋana menyi so.

Baru lela nɛ Jɔn kute na 3:20

Alubiworapo kikɛ maa sha kefulto. E maaŋ shuli n luri kefulto to, ŋkpal manɛ so, e maa sha mbe asheŋ lubi na ka lar efuli.

2 Pita 3:3

Kusɔ nɛ k daga fanɛ men fara m pin e la fanɛ, lalaloge be nchɛ na to befɛpo beeŋ ba kaa wora basa shia nsaa bɛ bumo gbagba be nyɛlga lubiana so.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.