Aŋasa 1:10 - EBƆRƐ BE KAWƆL

¹⁰ M pibinyɛn, belubiworapo baa fule fo a ŋin fo a wɔtɔ alubi to, fo sa maa sa bumo kashuli.

Aŋasa 1:10 ပူးပေါင်းရင်းမြစ်များ

Jɛnesis 37:20

Men shin nɛ an mɔ mo n lɛ ketirbu ere be kuko to nseŋ ya kaŋɛ fanɛ kupuŋ to be kusɔbɔya lubi ko e mɔ mo nseŋ keni kananɛ mbe edare ere be asheŋ beeŋ ba ki.”

Nshɛ 1:1

Kagbenefuli la bekama nɛ b maa sɔ alubiworapoana be kasotoji, ŋko a kute alubiworapoana to a wora asheŋ, ŋko a tu basa nɛ b maŋ kɔ saŋɛ a sa Ebɔrɛ na peya nna.

Nshɛ 50:18

Beyu nɛ basa lubi nɛ menyee ji keteri nsaa sha basa nɛ b maa bɛ bumo be kakil to be nnɔ naseso so.

Aŋasa 13:20

Esa kama nɛ e bee tu benyiashempo a nite bee ki enyiashempo nna, ama esa nɛ mo nɛ bewulpo bee wora asheŋ bre bee luri tɔrɔ to nna.

Aŋasa 16:29

Basa nɛ baa tintiŋ basa nɛ baa wora asheŋ na bee fule bumo braana nna a wɔtɔ asheŋ lubi to.

Aŋasa 20:19

Esheŋjipo kikɛ maŋ tiŋ ŋ keta ashiri, amoso baa gelge mo.

Aŋasa 24:2

Asheŋ lubi nawule be asheŋ nɛ baa fɛ saŋkama. Bumo be mmalga kikɛ la kananɛ baaŋ wora kulubi nna.

Aizaaya 33:15

Nɛ menyee kaŋɛ nsaa wora kusɔ nɛ k daga bre, menyeeŋ ji n lar Ebɔrɛ be demuji to. Amoso men sa maŋ ta eleŋ nɛ men kɔ na a puni betirpo. Menyi alɛ e sa maa sɔ brɔbu. Men sa maa tu basa nɛ baa kre basa be kamɔ ŋko a wora asheŋ alubi na a wora asheŋ.

Romebi 16:18

Ŋkpal manɛ so, mannɛ an Nyɛnpe Yesu Kristo na nɛ loŋ be basa na bee shuŋ na, bumo gbagba be epunana nɛ baa shuŋ a sa. Kɔnɔ belbelso nɛ ŋkpaŋ fuloŋ nɛ b kɔ a fule basa nɛ b maŋ nyi asheŋ to.

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

Ditɛronɔmi 13:8

Ama sa maŋ kaŋ shin nɛ b leŋ fo to n wɔtɔ kagbirshuŋ to. Sa maŋ kaa nu a sa bumo gba kuraa. Fo alɛ e sa maŋ kaa wu bumo kuwɔr ŋko a shu bumo so a kuŋ bumo gba.