Eemɔs 9:8 - EBƆRƐ BE KAWƆL

⁸ Ma Enyɛnpetale na bee wu kulubi nɛ Israɛl be efuli na bee wora, ma alɛ beeŋ mur bumo ashi kasawule ere so. Ama ŋkpal bumo nananyɛn Jeekɔb so meeŋ yige bumo be basa gbrɛbi.

Eemɔs 9:8 ပူးပေါင်းရင်းမြစ်များ

Jɛnesis 6:7

Ndoŋ nna nɛ e kaŋɛ mbe kumu: “Meeŋ mur basa nɛ n to durnya ere to kikɛ nyam, bumo nɛ asɔbɔya nɛ asɔ gbeyeso nɛ mbuibi firgisoana kikɛ nyam, ŋkpal manɛ so, ma kagbene jija ga ŋkpal ŋ ka to dimɛdi nɛ loŋ be asɔ na kikɛ so.”

Jɛnesis 7:4

Ŋkpal manɛ so, nchɛ ashunu be kefɛato meeŋ shin nɛ bɔrɛ e ba kasawule so nchɛ nɛ nnyɛ adena nɛ kusɔ futeso kama nɛ n to durnya ere to e mur cheche.”

1 Bewura 13:34

Le be kulubi nɛ e wora ere e naaŋ shin mbe kuwurji e tɔr nseŋ mur cheche kachako.

Aŋasa 15:3

Enyɛnpe Ebɔrɛ be anishi wɔ kaplɛkama nna, a wu kusɔ nɛ basa lubi nɛ belela kikɛ bee wora.

Aŋasa 5:21

Enyɛnpe Ebɔrɛ na bee wu kusɔ kama nɛ fee wora. Kaplɛkama nɛ fee yɔ e bee wu fo.

Jɛremaya 30:11

Meeŋ ba menyi kutɔ m ba mɔlga menyi. Meeŋ mur efuliana nɛ m pesaŋ menyi to n yɔ na kikɛ, ama m maaŋ mur menyi ere. M maaŋ shin nɛ men nya menyi be amu n ji nɛ m maŋ gberge menyi kusoe. Ama meeŋ gberge menyi kusoe nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 44:27

Meeŋ shin nɛ menyi maaŋ nyalɛ kikɛ! Menyeeŋ mur. Menyi be galeŋga beeŋ wu kena to ŋko alɔ beeŋ mɔ menyi n ya fo fanɛ menyi to be esa koŋwule gba maaŋ ka.

Jɛremaya 46:28

Meeŋ ba menyi kutɔ m ba mɔlga menyi. Ma alɛ beeŋ mur efuliana nɛ n daŋ pesaŋ menyi to n yɔ amo so na, ama m maaŋ mur menyi ere. M maaŋ shin nɛ men wora kulubi nɛ m maŋ gberge menyi kumo be kusoe; ama meeŋ gberge menyi kusoe na nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 5:10

Meeŋ shin nɛ bedoŋ e ba ku ma basa be ndibi sɔrso n lɛ, ama b maaŋ mur ndibi sɔrso be adɔ na bre cheche. Meeŋ kaŋɛ bumo fanɛ b kpele ayabiana na n lɛ; ŋkpal manɛ so, loŋ be basa na maa sha kebaanyi ma.

Hoziya 1:4

Ndoŋ nna nɛ Enyɛnpe Ebɔrɛ kaŋɛ Hoziya le: “Nase fo kebia na be ketre Jizreel, ŋkpal manɛ so k maaŋ chɛr ko nɛ m ba gberge Jehu nɛ e la Israɛl be ewura na be kanaŋ to ebi kusoe, ŋkpal basa nɛ b mɔ ashi Jizreel be ketaŋɛ to na so. Meeŋ mur mbe kuwurji be kanaŋ,

Hoziya 1:6

Gooma ka naŋ di kedampo nɛ e kurge ebiche. Nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ruhaama, kumo be kifito e la m maaŋ naŋ ŋini kasha; ŋkpal manɛ so maaŋ naŋ ŋini Israɛlebi ma kasha ŋko n ta bumo be alubi gba m paŋ bumo.

Jowɛl 2:32

Ama Ebɔrɛ beeŋ mɔlga bekama nɛ b kule mo kechɛto fanɛ kananɛ e kaŋɛ na! E yɛ: ‘Basa nɛ b wɔ Zayɔn be kebee so nɛ Jerusalɛm to na bre beeŋ gelge loŋ be etɔrɔ na. Bekama nɛ n lara na bre beeŋ ji efute.’ ”

Eemɔs 3:12

Enyɛnpe Ebɔrɛ yɛ: “Kananɛ buluŋ bee ji kubolpɔ nɛ mbolpɔkpapo e ya sɔ kumo be aya anyɔ nɛ kusoe n ya ŋini kubolpɔwura na, aloŋ nɛ baaŋ mɔlga Samɛriaebi nɛ b dese kedamaya be asɔ deseso so ere be basa gbrɛbi nɛ b nya kumɔlga na.”

Eemɔs 7:17

Kusɔ nɛ Enyɛnpe Ebɔrɛ bee kaŋɛ fo Amaziya nde: “Fo eche beeŋ ki sakaleche ashi kade ere to nɛ b mɔ fo mbia kikɛ kena to. Baaŋ karga fo kasawule m barga kumo to n sa abar, nɛ fo gbagba malɛ e wu efuli pɔtɛ so. Nɛ b tintiŋ Israɛl be basa malɛ n yɔ efuli pɔtɛana so kufɔ kufɔ.” Kumo be kaman nɛ Eemɔs yige mo nseŋ yɔ.

Eemɔs 9:10

Baaŋ mɔ bumo be bumo nɛ b la belubiworapo n wea ma basa to na kena to, fɔŋfɔŋ bumo nɛ baa kaŋɛ le na: ‘Ebɔrɛ maaŋ shin nɛ tɔrɔ kikɛ e ba anyi so.’ ”

Eemɔs 9:4

Nɛ fanɛ bumo doŋana pɛ bumo ŋ ki anya n yɔ efuli pɔtɛ so kufɔ kufɔ gba, meeŋ shin nɛ b mɔ bumo ndoŋ. Mee shin nna nɛ m mur bumo, mannɛ kechɛ bumo to bre.”

Ditɛronɔmi 4:31

Enyɛnpe, menyi be Ebɔrɛ na beeŋ wu menyi kuwɔr nsaa maŋ mur menyi ŋko ŋ kini menyi n lɛ. E beeŋ nyiŋi mbe kɔnɔ naseso nseŋ wora m bɛ mo nɛ men nananyɛnana be kɔnɔkoŋwule be ŋkre so.

Ditɛronɔmi 6:15

Nɛ men kaŋ shuŋ agbirana, Enyɛnpe Ebɔrɛ na be agbo beeŋ ba menyi so fanɛ edɛ m ba mur menyi cheche ashi durnya ere to. Ŋkpal manɛ so, Enyɛnpe menyi be Ebɔrɛ nɛ e wɔ menyi kutɔ na maa sha kechamana.