Eemɔs 9:7 - EBƆRƐ BE KAWƆL

⁷ Le nɛ Enyɛnpe Ebɔrɛ na bee kaŋɛ: “Kananɛ m baa fɛ menyi Israɛl be basa be asheŋ na, loŋ koŋwule na nɛ mee fɛ Itiopia be basa gba be asheŋ. Mannɛ ma e lara Filistiebi na ashi Kreet be kasawule nɛ nchu kulti n wɔtɔ na, nɛ Siriyaebi ashi Kiir fanɛ kananɛ n lara menyi ashi Ijipt be efuli so dra dra na a?

Eemɔs 9:7 ပူးပေါင်းရင်းမြစ်များ

2 Bewura 16:9

Tiglaf Pilesa ka nu Ahaz be baru na, nɛ e shin nɛ mbe benapo ya kɔ Damaskɔs kena n sɔ kumo nseŋ mɔ ewura Reezin gba, nseŋ pɛ ndoŋebi n ya ti ebu ashi Kiir.

2 Kronikɛls 14:12

Enyɛnpe Ebɔrɛ daŋ chɛ Asa nɛ mbe benapo to nna nɛ b kɔ m pɔɔ Itiopiaebi na so nɛ bumo be benapo kikɛ shile,

2 Kronikɛls 14:9

Zɛra nɛ e shi Itiopia be efuli so na e daŋ juŋkpar benapo damta nɛ b maŋ kɔ kekarga na nɛ egbaŋɛturko nɛ b kɔ a kɔ kena be benapo alfa asa n ya kɔ Juda hale ŋ kɔ n ya lar kade nɛ baa tre Marɛsha na kikɛ.

Ɛksodɔs 12:51

Kumo be kamɔnchɛ malɛ kikɛ nɛ Enyɛnpe Ebɔrɛ lara Israɛl be basa kanaŋ kanaŋ so nɛ mbuna mbuna so ashi Ijipt to.

Aizaaya 20:4

Asiriya be ewurgboŋ na beeŋ delge basa nɛ e beeŋ pɛ kena to ashi efuli anyɔ na so n shin nɛ b nite aya fuloŋ n yɔ kenyaya to. Mbifɔlbi nɛ benimu kikɛ nɛ e beeŋ delge so n shin nɛ bumo be aperbi e baa dese, nɛ Ijiptebi e ŋaba.

Aizaaya 22:6

Benapo shi Elam be kasawule so ŋ keta bumo be ata nɛ atanyembi nseŋ dii egbaŋɛ nɛ beko malɛ shi Kir be kasawule so ŋ keta bumo be abɛlso be asɔ kuŋamuso m ba.

Aizaaya 43:3

Ŋkpal manɛ so, ma e la Enyɛnpe menyi be Ebɔrɛ na. Ma, Israɛl be Ebɔrɛ cheembi na, e la menyi be emɔlgapo. Meeŋ kplaŋ Ijipt nɛ Itiopia nɛ kebonfu nɛ baa tre Seba na be asheŋ so nseŋ sɔ menyi n yige.

Jɛremaya 13:23

Edimɛdi beeŋ tiŋ n chɛrga bumo be kayurwule a? Karmɛ beeŋ tiŋ n chɛrga kumo be eyur so be chɛchɛrɛ na a? Nɛ baaŋ tiŋ n chɛrga bre, fo alɛ gba beeŋ tiŋ n chɛrga fo asheŋ lubi nawule na to nsaa wora asheŋ niŋiso.

Jɛremaya 47:4

Filistiebi be kemur be saŋɛ fo, saŋɛ fo nɛ bumo be ndegboŋ nɛ baa tre Tayɛ nɛ Sidɔn na e mur nɛ b maaŋ naŋ nya kechɛto. Ma, Enyɛnpe Ebɔrɛ na e naaŋ mur Filistiebi nɛ b shi keplasawule nɛ baa tre Kriit na m ba na.

Hoziya 12:13

Enyɛnpe Ebɔrɛ e shuŋi anebi Mosis fanɛ e ya mɔlga Israɛl be basa kenyaya to ashi Ijipt be kasawule so nseŋ keni bumo so nɛnɛ.

Eemɔs 1:5

Meeŋ bure kadegboŋ nɛ baa tre Damaskɔs na be mbunagboŋana na to kpachɛrkpachɛrbi nseŋ mur basa nɛ b wɔ Avɛn be kepla so na nɛ Bɛfadɛn be ejuŋkparpo na. Nseŋ shin nɛ b pɛ Siriya be basa fanɛ basa nɛ b ti ebu na n yɔ Kiir be efuli so kufɔ kufɔ.” Ma Enyɛnpe Ebɔrɛ na e malga na!

Eemɔs 2:10

Ma e lara menyi ashi Ijipt be kasawule so dra dra na ŋ keta menyi n nite kiyi to nfɛ adena nseŋ sɔ Amɔriebi be kasawule n sa menyi.

Ditɛronɔmi 2:23

Katuŋ ko ebi nɛ baa tre Avvim na e daa wɔ ndekarso nɛ a dese hale n ya lar kadegboŋ nɛ baa tre Gaaza na ashi epeŋilarkpa kaba so ndoŋ, nɛ Filistiebi nɛ b daa wɔ kepla nɛ baa tre Kriit na ba m ba mɔ bumo nseŋ sɔ kasawule na n chena so.)