Eemɔs 9:12 - EBƆRƐ BE KAWƆL

¹² Saŋɛ na so menyi Israɛlebi na beeŋ kɔ n sɔ Edɔm be nsawule nɛ efuliana nɛ a daa la meya na kikɛ.” Ma Enyɛnpe Ebɔrɛ nɛ meeŋ shin nɛ loŋ e wora na e malga na.

Eemɔs 9:12 ပူးပေါင်းရင်းမြစ်များ

Jɛnesis 27:29

Ebɔrɛ e shin nɛ efuli pɔtɛana be basa e ba kaa bunyaŋ fo nɛ basa be nnanto e baa gbir fo kumuli. Baa la fo sipoana kikɛ be ewura n shin nɛ fo nio be bibinyɛn kikɛ e ba kaa gbir fo kumuli. Ebɔrɛ e shin nɛ bekama nɛ baaŋ sho fo kɔnɔ e nya kɔnɔsho nɛ bekama malɛ nɛ b nɛfa fo e nya nɛfa.”

Jɛnesis 27:37

Nɛ Aizek kaŋɛ mo pibi Isɔɔ: “N teŋ ta mo ŋ ki fo nyɛnpe nseŋ ta mo niopibiana kikɛ ŋ ki mbe nyɛrbi. N ta ayu be yiri to be asɔ duuso kikɛ be kanya nɛ yabra belbelso kikɛ be kanya n sa mo. Amoso m pibi shɛŋ maŋ naa wɔtɔ nɛ meeŋ naŋ tiŋ n wora n sa fo.”

Nshɛ 60:8

Nɛ Mowab la fo kusɔ fɔr enɔ, nɛ fee ta fo asɛbta malɛ a deŋi Edɔm so, nsaa yili Filisti malɛ so a cha kekɔmpɔɔso be awɔr.

Aizaaya 11:14

Baaŋ chɛ abar to ŋ kɔ Filistiebi nɛ b wɔ epeŋitɔrkpa na nseŋ suge basa nɛ b wɔ epeŋilarkpa na be asɔ eleŋso. Bumo alɛ beeŋ kɔ m pɔɔ Edɔm nɛ Mowab be basa so, nseŋ shin nɛ Ammɔn be basa e wora bumo kasonu.

Aizaaya 43:7

Men la ŋ gbagba be basa nna, nɛ n to menyi nɛ men baa kemaŋkura ma.”

Aizaaya 63:19

Naniere fee wora anyi nna fanɛ fo ka maŋ naŋ ji kuwura anyi so ŋ ku so ŋko an ka daa maŋ la fo basa ŋ ku so na.

Aizaaya 65:1

Ade kikɛ be kaman nɛ Enyɛnpe Ebɔrɛ na kaŋɛ le: “N daŋ wora shiriya nɛ n nu ma basa be kabɔrɛkule nna, ama b maŋ kule ma. Ma alɛ daŋ naŋ wora shiriya nɛ n lara ma kumu ŋ ŋini bumo, ama b maŋ wora ania nɛ b fin ma gba kuraa. Ŋ ka wora shiriya nɛ n shuli so ŋ kaŋɛ fanɛ ‘ma nde, meeŋ chɛ menyi to na gba’, efuli na be basa na maŋ kule n fin ma kechɛto.

Jɛremaya 14:9

Manɛ nna nɛ fee wora asheŋ fanɛ esa nɛ asheŋ purgi loŋ, ŋko fanɛ enapo nɛ e maŋ kɔ eleŋ nɛ e tiŋ n chɛ esa to? Fo Enyɛnpe Ebɔrɛ na wɔ anyi kutɔ kashenteŋto nna! An la fo basa nna nɛ fo bɔrɛlambu wɔ anyi kutɔ nfe, amoso, sa maŋ kini anyi n lɛ.’ ”

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Jowɛl 3:8

Meeŋ shin nɛ b fa menyi alɛ gba be mbinyɛnsobi nɛ mbichesobi n sa Juda be efuli so ebi. Baaŋ fa bumo n sa Sabiaebi nɛ b wɔ kufɔ kufɔ na. Ma, Enyɛnpetale Ebɔrɛ na e kaŋɛ na.”

Malakai 1:4

Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”

Ashuŋ Shunso 15:17

Nɛ basa pɔtɛ nɛ b ka na kikɛ nɛ nnyamase nɛ n lara ŋ ki meya na kikɛ e ba fin ma.

Ashuŋ Shunso 15:18

Enyɛnpe nɛ e bugi kesheŋ ere to ŋ kaŋɛ dra na kikɛ na e naa kaŋɛ loŋ na.’ ”